Domeni më i vjetër në botë, symbolics.com, sot mbush 30 vite. Symbolics.com u ble nga një kompani teknologjike nga Massachusetts e SHBA-ve më 15 Mars të vitit 1985.

Symbolics ishte prodhuesi i parë i kompjuterëve “WorkStation”, madje kjo kompani përmendet edhe në filmin “Jurassic Park”. Por gjuha kompjuterike “Lisp” zhvilluar nga Symbolics humbi popullaritetin e saj me kalimin e viteve, dhe kështu në vitin 1993 Symbolics falimentoi, transmeton arbresh.info.

Kompania dhe ueb faqja vazhdojnë të ekzistojnë edhe sot. Symbolics akoma ka sistemin operativ Lisp i cili përdoret nga disa agjenci qeveritare.

Në vitin 2009, Symbolics morri një ofertë nga sipërmarrësi Aron Meystedt. Ai ishte i interesuar ta blinte domenin symbolics.com. Symbolics ishte në kohë krize dhe i duheshin paratë kështu që u detyrua ta shes domenin “symbolics.com” dhe kaloi në domenin tjetër “symbolics-dks.com”.

Aron Meystedt, thotë se domeni “symbolics.com”, vazhdon të ketë vizita të shumta nga njerëzit të cilit janë kureshtar për të vizituar domenin më të vjetër në botë, dhe se ndihet krenar që ka në pronësi këtë domen./arbresh.info/