Disa çifte nuk duan të kenë fëmijë menjëherë, sepse dëshirojnë ta ‘shijojnë’ jetën për një kohë të shkurtë.
Por kur të vendosin të lindin fëmijë, ata janë tejet të gatshëm, ndërsa tani edhe shkenca e ka konfirmuar kohën më të mirë për të lindur fëmijë, transmeton Telegrafi.
Hulumtimet e kryera në Shkollën Londineze për ekonomi kanë studiuar të dhënat e ndryshme dhe kanë konstatuar se gratë të cilat lindin në moshën 30 vjet ose më shumë kanë fëmijë më inteligjentë sesa ato që lindin më herët.
Studimi ka analizuar sjelljen e 18,000 fëmijëve britanikë dhe duket se fëmijët me nëna më të vjetra janë më të mirë në aftësitë njohëse.
Ata ishin testuar për shkrim, lexim, mendim dhe memorie kur ishin 10 apo 11 vjet të vjetër.
Kjo ndodhë për shkak se gratë të cilat vendosin të lindin më vonë, fillimisht ndërtojnë karrierë dhe ia dedikojnë jetën vetes, dhe tek atëherë ndihen të gatshme për të lindur.
Si rezultat i kësaj, nënat 30-vjeçe ose më të vjetra u kushtojnë më shumë vëmendje fëmijëve pasi ta kenë një punë të përhershme.
Në anën tjetër, femrat të cilat presin shumë gjatë, p.sh. deri në moshën 40 vjet, në vitet e mëvonshme mund të kenë probleme me obezitet. /Telegrafi/
Policia shkon ta arrestoj me urdhër të gjykatës, i dyshuari ...
Nis seanca gjyqësore për sulmin terrorist në Banjskë
Osmani përfaqëson Kosovën në Samitin Ukrainë-Evropë Juglindo...
Klopp po i kthehet futbollit por jo si trajner
E bënë për spital një person, policia arreston dy të dyshuar...
Policia shqiptoi afro 3 mijë gjoba trafiku për 24 orë