Google ADS

Goditja që vrau toreadorin e famshëm spanjoll (VIDEO)

07:21 | 20 Qershor 2017
Arbresh.info

Ivan Fandino, një toreador i famshëm spanjoll, u vra në një arenë të Francës nga një dem ditën e shtunë.

36-vjeçari nga Bilbao u pengua gjatë luftimit tradicional me demin dhe mori një goditje të fortë me bri në gjoks, duke i shpuar një mushkëri. Fandino ndërroi jetë pasi pësoi dy herë atak kardiak në ambulancën që po e dërgonte në spital.

Në Spanjë ky ishte lajmi kryesor në çdo media ditën e dielë, ndërkohë që edhe familja mbretërore e konsideroi tragjedi vdekjen e toreadorit.

Ndryshe e panë këtë çështje aktivistët e të drejtave të kafshëve. Në një komunikatë, ata e quajtën vdekjen e Fandinos “tragjedi”, por shtuan: “Tragjedi është çdo luftim për 1000 demat që vriten brutalisht në Francë çdo vit. Këta dema nuk kanë asnjë shans mbijetese dhe i nënshtrohen një vdekjeje të dhimbshme”.

 

Shpërndaje në rrjete sociale

Lajmet më të lexuara

Të ngjashme

Foto lajm