Google ADS

Dyqani ushqimor që nuk ka asnjë punëtor

15:28 | 4 Qershor 2016
Arbresh.info

Robert Ilijason, një informaticien në një qytezë të vogël në Suedi, ka hapur një dyqan ushqimor ku nuk ka as edhe një njeri të punësuar.

Klientët duhet të shkarkojnë një aplikacion ku regjistrojnë të dhënat personale të identifikimit, në mënyrë që t’u hapet dera.

Më pas, mjafton të zgjedhin produktet që dëshirojnë dhe ta kryejnë pagesën duke skanuar me celular kodin identifikues mbi kuti.

Ilijason thotë se ideja i erdhi një natë, kur iu nevojit diçka me urgjencë për të birin dhe u detyrua të udhëtojë shumë larg për të gjetur një dyqan hapur.

Për punë sigurie, ai thotë se identifikimi i blerësve bën që të mos ketë vjedhje. Përveç kësaj, dyqani ka sisteme alarmi dhe kamera, nëse përpiqet të futet dikush që nuk është regjistruar, por deri tani nuk ka pasur probleme.

/ Top Channel

Shpërndaje në rrjete sociale

Lajmet më të lexuara

Të ngjashme

Foto lajm