Google ADS

Diamanti i rrallë blu shitet në ankand për 6.7 milionë dollarë

09:31 | 16 Maj 2018
Arbresh.info

Një diamant i rrallë blu që 300 vitet e fundit ka qenë nëpër shtëpitë mbretërore të Evropës është shitur në ankandin e Gjenevës për 6.7 milionë dollarë.

Farnese Blues i është dhënë si dhuratë Elizabeth Farnese, vajzës së Dukës së Parmës kur ajo u martua me Filipin V të Spanjës më 1715, transmeton portali arbresh.info.

Më pas ajo u kalua nëpër gjenerata, duke lëvizur nga Spanja në Francë, Itali e Austri.

Diamanti 6.1 karatësh vjen nga miniera e famshme Golconda në Indi.

Ai është shitur vetëm katër minuta pasi u shfaq në Sotheby’s, duke kaluar me lehtësi vlerësimin e shtëpisë së ankandit që ishte 3.5-5 milionë dollarë.

“Ne ishim duke pritur një rezultat të mirë, por filluam nga 3.5 milionë dhe përfunduam me 6.7 milionë dollarë, kështu që tejkaloi pritshmërinë tonë”, tha specialistja e stolive në Sotheby’s, Daniela Mascetti.

Sipas ueb faqes së ankandit diamanti në formë dardhe dikur ishte pjesë e diademës së mbretëreshës fatkeqe të Francës, Marie Antoinette./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm