Çifti habitet kur sheh në pishinën e tyre një aligator gjigant !

09:19 | 26 Maj 2018
A. B.

Çifti bashkëshortor nga Florida e SHBA-ve, mbetën të shokuar kur në pishinën e tyre hasën në një aligator gjigant.

Connie dhe Frank Shaffery nga Sarasota, kanë deklaruar për mediat amerikane se kishin vërejtur aligatorin vetëm atëherë kur kishin vendosur të pinë kafenë në oborrin e shtëpisë, transmeton Telegrafi.

“Frank u afrua te pishina dhe mbeti i shokuar kur në ujë pa aligatorin 150 kilogramësh”, ka deklaruar bashkëshortja e tij Connie.

Ata kanë pranuar se kishin dëgjuar qenin duke lehur që nga ora katër e mëngjesit, por nuk ishin ngritur për të kontrolluar nëse gjithçka ishte në rregull.

Megjithatë, ata pasi e gjetën në pishinë i telefonuan menjëherë ekipeve kompetente që e larguan.

“Mendojmë se një dërrasë e thyer në rrethojën e oborrit, i ka mundësuar aligatorit të futet  në pishinë”, ka  shtuar  Connie.

https://twitter.com/JSalomoneTV/status/999783005043519488

 

Shpërndaje në rrjete sociale

Lajmet më të lexuara

Të ngjashme

Foto lajm