Arrin treni i parë direkt nga Britania e Madhe në Kinë, ja sa kilometra ka kaluar

10:53 | 2 Maj 2017
Arbresh.info

Treni i parë direkt nga Britania e Madhe në Kinë ka arritur në qytetin lindor të Yiwu në vikendin që shkoi pasi kishte udhëtuar për mbi 12 mijë kilometra.

Lokomotiva “East Wind” ka udhëtuar nëpër shtatë shtete të ndryshme derisa ka arritur në destinacionin e nisur, me 88 kontenjerë të mbushur me alkool dhe produktet farmaceutike e për foshnje, transmeton arbresh.info.

Para se të arrinte në Kinë treni ka përshkruar këto shtete: Francë, Belgjikë, Gjermani, Poloni, Bjellorusi, Rusi dhe Kazakistan.

Ai ishte nisur nga Londra më 10 prill dhe udhëtimi i tij kishte marrë disa ditë, madje më shumë se që ishte pritur. Megjithatë zyrtarët kanë thënë se transportimi i mallrave me tren është gati një muaj më i shpejtë se me anije./Arbresh.info.

 

Shpërndaje në rrjete sociale

Lajmet më të lexuara

Të ngjashme

Foto lajm