Një shënim i shkruar nga Albert Ajnshtajni për një shkencëtare të re, e cila kishte refuzuar ta takonte atë, u shit në një ankand në Jeruzalem, bashkë me një sërë letrash të tjera të fizikanit të njohur.
“Për studiuesen shkencore, në këmbët e së cilës fjeta dhe u ula për dy ditë të tëra, si një suvenir miqësor”, thuhet në shënimin e shkruar në gjermanisht në vitin 1921, i cili u shit per 6.100 dollarë në Jeruzalem.
Shtëpia e ankandeve tha se Ajnshtajni, atëherë 42-vjeçar dhe ende pa fituar çmimin Nobel, ia kishte shkruar letrën Elisabetta Piccinit, një studente e kimisë sa gjysma e moshës së tij, e cila jetonte një kat poshtë motrës së tij, Maja, në Firence.
Gjatë një vizite në qytet, fizikani ishte shumë i interesuar ta takonte atë, e megjithatë Elisabetta ishte shumë e mbyllur dhe e turpshme për të takuar një person të tillë të famshëm.
Në ankand u shit një shënim i vitit 1928, ku sipas organizatorëve të ankandit përvijoheshin idetë për fazën e tretë të Teorisë së Relativitetit. Ai u ble për 103 mijë dollarë./tch/
Mosbindja civile e opozitës, procedohen Bardhi e Noka, shpal...
Heqja e masave ndaj mallrave serbe, Haradinaj: Kurti tentoi ...
Emri i tij u përfol shumë, vjen reagim i Arbër Zenelit sa i ...
Një qytetar nga Shtimja dorëzon në polici para të gjetura
Abdixhiku viziton Drenicën, qëndron në kullën e heroit Ismet...
ZYRTARE: Pas Pejës, Hadar jep dorëheqje edhe nga Kosova