Popullsia në botë po rritet me ritme shumë të shpejta. Deri në vitin 2050, pas 34 vitesh, parashikohet që në rruzullin tokësor të jetojnë rreth 10 miliardë njerëz.

Instituti Global i Qyteteve në Universitetin e Torontos ka projektuar 10 qytetet më të populluara deri në vitin 2050 duke u bazuar në trendin aktual të rritjes së numrit të popullsisë.

Me 38 milionë banorë, sot, Tokio është qyteti më i populluar në botë, ndërsa në listën e 10 qyteteve të para vetëm një qytetet ndodhet në Afrikë, ndërsa dy të tjerë në Amerikën Latine, por në 3 dekadat e ardhshme kjo do të ndryshojë.

Më poshtë mund të shihni listën me 10 qytetet që parashikohet të jenë më të populluarat e planetit tonë në vitin 2050.

10- Meksiko Siti, Meksikë: 24.3 milionë banorë

9- Nju Jork, SHBA: 24.8 milionë banorë

8- Karaki, Pakistan: 31.7 milionë banorë

7- Tokio, Japoni: 32.6 milionë banorë

6- Lagos, Nigeri: 32.6 milionë banorë

5- Kalkuta, Indi: 33 milionë banorë

4- Kinshasa, Kongo: 35 milionë banorë

3- Dhaka, Bangladesh: 35.2 milionë banorë

2- Delhi, Indi: 36.2 milionë banorë

1- Mumbai, Indi: 42.4 milionë banorë