Sot jepet Çmimi Nobel në Letërsi, Ismail Kadare në garë

12:04 | 8 Tetor 2020
A. B.

Sot do të ndahet Çmimi Nobel për Letërsi 2020.

Sytë e botës së kulturës dhe të artit, drejtohen kah kryeqyteti suedez, Stockholmi, ku ndahet ky çmim, shkruan portali arbresh.info

Ky çmim, me historinë e tij të lavdishme i ka dhënë shtytje dhe nxitje të pamatshme fuqisë së artit, duke e bërë atë më të rrokshëm anë e kënd botës. Më të shpejtë dhe më të qarkullueshme. Ka mundësuar që bota të njihet më mirë me vlerat e kombeve dhe të gjuhëve tjera.

E në këtë garë të rëndësishme kandidat është autori ynë i madh Ismail Kadare i cili i ka dhënë artit shqiptar nder e dinjitet ndërkombëtar, duke e bërë pjesë të kulturës së botërore.

Kujtojmë se, vitin e kaluar Çmimi Nobel në Letërsi iu dha autores polake, Olga Tokarczuk dhe austriakut Peter Handke. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm