Google ADS

Sopranoja nga Kosova i bashkohet shtëpisë operistike të Hamburgut

20:01 | 29 Janar 2018
Arbresh.info

Sopranoja kosovare Elbenita Kajtazi, që nga muaji shtator i këtij viti, do të jetë pjesë e shtëpisë operistike të Hamburgut, Staatsoper Hamburg.

Kështu ka bërë të ditur vet Elbenita përmes llogarisë së saj në facebook, ndërsa ka shtuar se tashmë pret të realizojë shumë role sfiduese.

”Miq të dashur, sot dua të ndaj me ju një lajm të mrekullueshëm!
Jam e stërlumtur që më në fund mund ta bëj publike!
Shtëpia operistike e Hamburgut-Staatsoper Hamburg, ka hapur dyert për mua dhe do të jetë shtëpia ime e rradhës në të cilën do performoj shumë role sfiduese por të stërdashura për mua!
Të jesh pjesë e ansamblit të një shtëpie opersitike sikur ajo e Hamburgut është privilegj shumë i madh, puna dhe përkushtimi i madh që i kam vënë këtij profesioni po më shpërblehet çdo ditë, prandaj miq të dashur nuk duhet dorëzuar asnjëherë sepse asgjë nuk është e pamundur!” , përfundon sopranoja Elbenita.

Shpërndaje në rrjete sociale

Lajmet më të lexuara

Të ngjashme

Foto lajm