Google ADS

Në Gjilan përmbyllet festivali treditor i verës dhe birrës

17:22 | 27 Korrik 2015
Arbresh.info

Është përmbyllur mbrëmë festivali treditor “Wine and Beer festival”, i cili është organizuar nën përkujdesjen e kryetarit të Komunës së Gjilanit, Lutfi Haziri, me iniciativë të OJQ “Wine and Beer festival”.

Ky festival i prodhuesve të birrës dhe verës, sipas një komunikate të komunës së Gjilanit ka mbledhur një numër të konsiderueshëm të qytetarëve të interesuar për këto produkte.

Kryetari i Komunës së Gjilanit, Lutfi Haziri, i cili thuhet se ka qenë prezent në përmbyllje, citohet të ketë thënë se e rëndësishme e këtij festivali është se janë vënë ura të rëndësishme dhe të qëndrueshme të bashkëpunimit mes bizneseve të prodhimit dhe atyre të shitjes e që do të ndikojnë në zhvillimin e biznesit të vogël dhe atyre të mesme.

“Wine and Beer festival” është mbajtur për tri ditë me radhë, duke nisur nga data 24-26 gusht.

Shpërndaje në rrjete sociale

Lajmet më të lexuara

Të ngjashme

Foto lajm