Kinematografia shqiptare në Paris

07:00 | 26 Nëntor 2015
Arbresh.info

“Nëntori i dytë”e “Tomka dhe shokët e tij” do të jenë dy filmat që do të ekranizohen në Paris, për publikun francez e jo vetëm në kuadër të projektit“Kinemaja shqiptare. Dy filmat e njohur për publikun shqiptar do të shfaqen më 27 nëntor për publikun francez, aktivitet i cili promovon kinematografinë shqiptare.

Filmi “Nëntori i dytë” i regjisorit Viktor Gjika, i prodhuar në vitin 1982 ka në qendër ngjarjen e shpalljes së pavarësisë së Shqipërisë në Vlorë, ndërsa “Tomka dhe shokët e tij”është film i regjisores Xhanfise Keko, i cili u restaurua tri vjet më parë në librarinë e kongresit në Uashington, pas 37 vitesh nga momenti i prodhimit. Arkivi Qendror Shtetëror i Filmit në Shqipëri bën të ditur se në Paris do të mbahet gjithashtu edhe një tryezë e rrumbullakët ku do të diskutohet për kinematografinë shqiptare para viteve ‘90. Filmat do të shfaqen në EHESS, Salle Lombard, 96 Boulevard Raspail, 75006 Paris.

Shpërndaje në rrjete sociale

Lajmet më të lexuara

Të ngjashme

Foto lajm