Hapet ekspozita për 25-vjetorin e SHHBK “Nëna Terezë”

21:44 | 2 Shtator 2015
M. A.

Shoqata Humanitare Bamirëse “Nëna Terezë” shënoi sonte fillimin e manifestimeve për 25-vjetorin e ekzistimit të vet me një ekspozitë në Katedralen e Kosovës në Prishtinë, të titulluar “SHHBK Nëna Terezë 25 vite në shërbim të popullatës”.

Kryetari i Shoqatës, Zef Shala në hapje të ekspozitës tha se ajo përfshin fotografi të grumbulluara nga aktivitetet e kësaj shoqate këtij çerek shekulli të shërbimit për qytetarët.

Shala gjithashtu foli për historikun e themelimit të shoqatës.

Ipeshkvi i Kosovës, imzot Dode Gjergji, uroi që kjo ekspozitë dhe kjo vepër bamirësie të rifreskojë kujtesën e të rinjve dhe t’i bëjë ata që të mendojnë sa më shumë ne drejtim te bamirësisë.

Ekspozita përmban rreth 150 fotografi të aktiviteteve te shoqatës në 25 vitet e kaluara, ndërsa manifestimet për shënimin e jubileut të SHHBK-së vazhdojnë edhe në ditët në vijim.

Shpërndaje në rrjete sociale

Lajmet më të lexuara

Të ngjashme

Foto lajm