Gruaja më me ndikim në botë në industrinë e teknologjisë, Esther Dyson tha në Prizren se synon të pensionohet në planit Mars, madje për këtë as nuk dyshon.

Dyson rrëfeu në DOKU:TECH se humbja e kohës e ofendon dhe se i pëlqen të investoj në njerëz.

Fjalimi i saj që mori aq shumë duartrokitje e bëri të ndjehet e sigurt por ndryshe u ndje kur u pyet se si ndihet që është “gruaja më me ndikim”.

Tha se do donte të kishte më shumë gra në këtë fushë.

“Mendoj se ajo çfarë mund të bëjë për gratë nuk është të flasë për gratë, por të jem grua dhe të kem ide”, tha Dyson.

Të ardhmen i interesojnë printimet 3D ndërsa i intereson të dijë edhe se çfarë zhvillimi teknologjik do të ishte i dobishëm për Ballkanin.

Dyson 64-vjeçare, një ish gazetare dhe analiste e teknologjisë në “Wall Stret”, është filantrope dhe udhëheqëse e Edventure Holdings, si dhe është ndërmarrëse dhe investuese që kontrakton në tregjet dhe teknologji në zhvillim e sipër.

Interesat e saj përfshijnë teknologjinë informative, kujdesin shëndetësor, aviacionin privat dhe udhëtimet hapësinore. Pikërisht për këto do të tregojë se si bëhen në mënyrën më të mirë.

Tani ajo ka një qëllim, t’i mësoj njerëzit të jetojnë shëndetshëm dhe synon fluturimin në hapësirë. Ajo është trajnuar për kozmonaute.

Dyson përveç tjerash është investitore dhe anëtare e bordit në shumë kompani të njohura si Square, Evernote, 23andMe, Meetup, XCOR Aerospace, Yandex, Flickr dhe shumë të tjera.

Sot, Esther Dyson investon në bizneset e reja dhe është një nga gratë e pakta në këtë fushë. Sipas një studimi të kryer në vitin 2011, vetëm 11 për qind e investuesve janë femra.