Këngëtarja Eneda Tarifa,  Drejtori i RTSH-së Martin Leka  e poashtu Drejtori i RTK-së Mentor Shala, kanë organizuar një konferencë për shtyp sot në Prishtinë, me qëllim të promovimit të këngës e cila do të na përfaqësojë këtë vit në Eurosong 2016 që do të mbahet në Stokholm të Suedisë.

Drejtori i Radio Televizionit Shqiptar, tha se ky promovim, me qëllim ka fillluar në Kosovë, pasi festivali i RTSH-së, tash e sa vjet u mundëson këngëtarëve nga Kosova të garojnë, e që disa prejt tyre kanë arritur të përfaqësojnë shqipërinë denjësisht në EuroSong, siç është Rona Nishliu, transmeton Arbresh.ino.

Leka tregoi se po i njejti promovim do të bëhet edhe në Holandë, Israel, Londër, Shkup e shumë vende të tjera, me qëllim që nga do që ka shqiptarë, të arrijnë të marrin sa më shumë vota, ai poashtu tha se me një buxhet relativisht të vogël, ata po mundohen ta popullarizojnë këngën sa më shumë.

Njejtë u shpreh edhe Drejtori i RTK-së Mentor Shala, i cili theksoi se transmetimi Live i Eurosongut është më e pakta që RTK mund të bëjë, ai ftoi gjithë diasporën që të mobilizohen e ta votojnë këngën e cila na përfaqëson.

Shala poashtu theksoi se tashmë kanë marrë një ftesë që edhe RTK të marrë pjesë në komitetin e Eurosongut, e që me gjasë edhe Kosovës vitin tjetër ti mundësohet të garojë në këtë Festival.

Këngëtarja Eneda Tarifa, e cila e mori fjalën në fund, tregoi se me një buxhet minimal, janë duke bërë gjithçka që nga shqiptarët të arrijnë të marrin sa më shumë vota, pasi këtë herë 3 këngëve më të votuara u mundësohet që më lehtë të futen në finale.

Eneda ka treguar se në paraqitjen e saj nuk do të ketë simbole shqiptare, pasi kjo mund të nxisë inat tek disa shtete e kënga të mos votohet, pasi dihet se si votimi i këtij kompeticioni funksionon, transmeton Arbresh.info

Këngëtarja tha se nuk pret ta fitojë këtë festival dhe se fitore e cilëson nëse kualifikohet për finale, megjithëatë nëse shqiptarët arrijnë të mobilizohen, padyshim që kënga do të mund të shkojë shumë larg./Arbresh.info