Google ADS

Ditët e lirisë në Gjilan vazhdojnë me festivalin “Gurra popullore”

00:41 | 14 Qershor 2015
Arbresh.info

Në kuadër të aktiviteteve kushtuar ditëve të lirisë, që në Gjilan kanë filluar më 11 qershor dhe do të përmbyllen të hënën, më 15 qershor, kur kremtohet edhe dita e çlirimit, të shtunën në mbrëmje është hapur Festivali i këngës dhe valleve “Gurra popullore”.

Në këtë festival po marrin pjesë ansamble nga Kosova, Shqipëria, Presheva dhe trojet tjera shqiptare, ndërkohë që natën e dytë pritet të vijë edhe një grup muzikor nga Turqia.

Festivalin, që mbahet në sheshin “Agim Ramadani” para teatrit të qytetit, e ka hapur ansambli “Gjilani”, për të vazhduar me grupet nga Obiliqi, Artana dhe të tjera.

Manifestimet për ditët e lirisë, të dielën vazhdojnë me “Trekëndëshin poetik të paqes” dhe festivalin “Gurra popullore”, ka thënë Bujar Haziri, shef i Njësisë për Kulturë, Rini e Sport në Gjilan.

Shpërndaje në rrjete sociale

Lajmet më të lexuara

Të ngjashme

Foto lajm