Google ADS

Biblioteka Kombëtare, ekspozitë kushtuar Nënë Terezës

14:15 | 2 Shtator 2016
Arbresh.info

Biblioteka Kombëtare në Shqipëri, në nderim të figurës së shquar të Nënë Terezës dhe shenjtërimit të saj, do të çelë nga 3-10 shtator ekspozitën “homazh” kushtuar nobelistes së paqes përmes titujve dhe veprave që kanë në fokus jetën frymëzuese dhe veprimtarinë e saj shembullore.

Në ekspozitë do të prezantohen lutjet dhe poezitë e shkruara prej vetë shenjtores, poezitë që ajo u frymëzoi poetëve shqiptarë, albumet mbresëlënëse të artistëve, monografitë studimore, intervistat, jetëshkrimet e deri tek bibliografitë për Nënë Terezën.

Sipas njoftimit për shtyp të BKSH-së, përmes një bashkëpunimi përherë të suksesshëm me Muzeun Historik Kombëtar dhe Ministrinë e Kulturës, në këtë ekspozitë do të ekspozohen edhe disa nga objektet personale të Nënë Terezës, si kryqi, rruzarja dhe peshqiri i saj, sot pronë e MHK.

Shpërndaje në rrjete sociale

Lajmet më të lexuara

Të ngjashme

Foto lajm