Salla e madhe e “Teatrit Kombëtar të Kosovës” ishte e mbushur për të gjithë ata që erdhën sot, për ta nderuar aktoren Fatime Llugiqi.

Varrimi i të ndjerës do të bëhet në ora 14:00 në fshatin Lupç.

Me rastin e vdekjes së aktores, Fatime Llugiqi në Teatrin Kombëtar të Kosovës (TKK), u mbajt mbledhja komemorative për artisten që pati luajtur në filmin “Migjeni” dhe po ashtu në filmin “Hikmetja”.

Aktorja Shengyle Ismajli mbajti një fjalim rasti për të ndjerën Fatime Lugigji, ku përmendi veprimtarinë e artistes në teatër, filma dhe seriale. Ndër të tjera aktorja Ismajli, përmendi një fakte që artisten tash të ndjerë ta thërrisnin “Nanushi”, raporton arbresh.info.

“Ajo luajti role në shumë filma, si në filmin “Hikmetja”, “Kukumi”, në shfaqje teatrale si “Gjenerali i Ushtrisë së Vdekur”, “E kuqja”, e në shumë seriale, gjithmonë e ke gjetur me një ekspresor dhe të buzëqeshur “Nanushin”, tha aktorja Shengyl Ismajli.

Drejtori i TKK-së, Besin Sopi lavdëroi punën dhe sukseset e artistes, ai theksoi se e ka pasur në projektin e parë aktoren Fatime Llugiqi, kur kishte qenë absolvent në Fakultetin e Arteve.

“Kam punuar projektin e parë me të, “Trungu i heshtur”, ka qenë për mua një artiste me plotë kuptimin e fjalës.

Aktorja, Anisa Ismajli rrëfen me emocione, takimin e parë kur pati me Fatimën para 25 viteve sa pati filluar aktrimin.

“Ajo gjithmonë i ka dashur artistët e rijnë, më kujtohet takimi i parë kur më pati përqafuar, dua sot do ta mbajë dashurinë për artistët e rijnë si Fatimja”, u shpreh e emocionuar aktorja Ismajli.

Ndërsa aktorja Aurita Agushi në mes lotëve flet me mallëngjim për artisten.

“Një artiste si ajo ka ditur të trajtoj si kolege, ajo ka pasur një qetësi shpirtërore sa do që kemi pasur nervoza e komplikime  ajo me butësi na ka ulur në tokë”, tha aktorja Aurita Agushi.

Në fund u mbajt një minutë heshtje për aktoren e ndjerë Fatime Llugiqi./arbresh.info/