Komandanti i Zonës Operative të Pashtrikut, Sadik Halitjaha, ka folur për herë të parë pas intervistimit që i kishte bërë prokurori i dorëhequr Elez Blakaj.

Blakaj pikërisht ishte duke hetuar çështjen e listave të fryra të veteranëve të UÇK-së, gjë që nxiti debat në Kosovë.

I intervistuari nga Blakaj, Komandant Halitjaha, ka akuzuar disa nga komandantët e disa zonave të UÇK-së, ku sipas tij, të njëjtit po tentojnë të njollosin gjithë luftën e shenjtë.

Më poshtë mund të lexoni edhe intervistën me Komandantin e Zonës Operative të Pashtrikut, Sadik Halitjaha.

Arbresh.info: z. Halitjaha, keni qenë komandant gjatë verifikimit të listave, për Zonën Operative të Pashtrikut. Si ka shkuar verifikimi, sa ushtarë kanë qenë realisht dhe sa janë sot?

Sadik Halitjaha: Është e vërtetë që unë isha komandant në Zonën e Pashtrikut dhe isha i caktuar nga kryeministri në komisionin për verifikimin e veteranëve,invalidëve  dhe dëshmorëve. Verifikimi ka shkuar në mënyrë zingjirore të komandës, është bërë verifikim i hapur në zyre apo salla të qeverisë ku ka pas shumë herë edhe mbi 40 njerëz të zingjirit komandues; komandanti i zonës, komandanti i brigadës, komandant i batalionit , komandanti i kompanive, komandantet e togjeve deri te komandant të skuadrës. Janë lexuar në mënyrë publike të gjitha fletaplikcoionet; “filan fisteku i lindur me datë kaq kaq , në filan vend , i kyqur në Ushtrinë Çlirimtare të Kosovës me këtë datë, ka pas komandat këtë këtë dhe ka përfunduar më datë”, dhe është bërë verifikim publik ata që janë kanë ushtarë tamam dhe kanë pas komandantët e vet aty, të togut, kompanisë, batalionit, kanë kaluar menjëherë me nënshkrimin tonë edhe janë bërë veteran, të tjerët që kanë qenë me dyshime që kanë qenë pak kohë janë shkëput, kanë kaluar prej një njësie në njësi tjetër, prej një batalioni në batalion tjetër dhe prej një brigade në tjetrën ata janë lënë për më vonë me u shqyrtua me ankesa, kështu që të drejtën e ankesës e kanë pas të gjithë ata që nuk kanë kaluar në hovin e parë të verifikimeve.

Arbresh.info: Në njërën nga prononcimet e juaja keni thënë: “Veteranë s’janë vetëm ata që luftuan, por edhe ata që ndihmuan UÇK-në”, a nënkupton kjo që këta kanë kontribuar në fryrjen e listave?

Sadik Halitjaha: Për me e kuptuar drejtë nocionin e luftës dhe luftëtarit duhet të jemi pak në fushën e oficerëve, komandave, ushtar i Ushtrisë Çlirimtare të Kosovës ka qenë ai që ka pas armën dhe ka qenë në istikame përballë në vijë të frontit me pushtuesin, mirëpo të gjithë ata që e kanë ndihmuar, që i kanë ndihmuar ushtarit të vijës së frontit me logjistikë, me ushqime, me fjetje, me armatim, në të gjitha mënyrat, kanë qenë të lidhura me komandën dhe nën urdhëratë e komandantes gjatë luftës, të pashkëputshëm, llogaritën si ushtarë. Çdo ushtri e botës në mënyrë të rregulltë apo vullnetare sikurse ka qenë kjo e jona e ka pjesën përcjellëse të veten, ka p.sh. berberin, ka rrobaqepësinë, e ka furrtarin, ka kuzhinierin, e ka identitarinë (thirret ajo) që është përcjellëse edhe nëse ato janë nën komandë në shërbim të luftës, në shërbim të komandës llogaritet që është pjesë e ushtrisë. Dhe këtu nuk besoj që është bërë ndonjë gabim në këtë mënyrë që ka shkua. Është e drejtë, e drejtë ndërkombëtarisht e njohur, mirëpo ka mundësi me pas ndonjë gabim ma shumë nëse është bërë e padëshirueshme që tash na duket që listat janë të fryra na duket në listat janë shumë veteran, është leshu në kritere p.sh. kriteri në fillim që është zbatua në atë verifikim publik që e thashë ka qenë kriteri prej fillimit deri në fund ose prej gjysmës deri në fund, në fund është vendosur si kriter edhe “SHIGJETA” që ka pas vetëm 16 ditë hyrje në luftë, në fund të luftës, në prag të çlirimit , operacioni “SHIGJETA” që asnjëherë s’kemi pas të saktësuar as sot nuk ka se sa kanë qenë në numër në s”SHIGJETË. Kanë qenë disa TF, TF1, TF2, TF3, TF4, TF0 , këta kanë qenë si lloj kompanish në kuadër të një operacioni të quajtur , të koduar “SHIGJETA”. Dhe këta njerëz për dy javë ditë nuk e kanë njohur edhe strukturën e komandantëve , zingjirin komandues por edhe komandanti nuk ka pas mundësi t’i njeh të gjithë për dy javë ditë në luftë. E këtu ka mundur diçka të pështjellët p.sh. të futet dikush me dëshmi të caktuara. Këta janë kanë në komandën e Shtabit të Përgjithshëm, realisht kanë bërë pjesë në Zonën e Pashtrikut, por nuk kanë qenë nën komandën e Zonës së Pashtrikut, pra unë nuk i kam pas nën përgjegjësi, verifikimin e ka bërë Musë Jashari, Rifat Sylejmani etj.

Arbresh.info: Listat tanimë janë në duart e gjyqësisë respektivisht të prokurorisë, kush është përgjegjësi, Ju që keni qenë pjesë e verifikimit apo ka pas ndërhyrje direkte nga politika?

Sadik Halitjaha: Jo nuk kisha mundur me thënë as me heq fajin nga ne që jemi marr me verifikim , se mund të jetë faji i qëllimshëm ose i paqëllimshëm, mund të jesh në lajthitje, se asnjë njeri nuk është bërë pa ti sjellë dy-tri dëshmitar ose pa i pas dy-tri nënshkrime, kështu që dikush ka mundur me bë ndonjë lëshim, se unë si komandant zone nuk kam mundur t’i njoh p.sh. shtatë brigada kam pas, gjithë ushtarët e të gjitha brigadave nuk kam mundur t’i njoh me emra e mbiemra, në cilin vend ka veprua, sa kohë ka veprua, por dy veteran me status të njohur, një komandant më i vogël që ka qenë në nivelin më të ulët ka ardhë dhe ka dëshmuar për ta, na jemi detyruar që edhe ata t’i pranojmë, s’kemi pas formë tjetër të verifikimit. Ndërsa politika nëse ka bë gabim, politika ka bërë gabim në përpilimin e ligjit. Se ligji nuk i saktëson, nuk i prenë gjërat p.sh. me thënë tre muaj më pak nuk ka të drejtë të futet në listë, ne p.sh. kemi filluar me kritere shumë të mira, shumë të ashpra edhe shumë të duhura, mandej kur e kemi pa që në ligj nuk po e kufizon dhe ankesat po vijnë çdo ditë, kemi lëshuar deri në tre muaj që ka qenë në luftë edhe e kemi bë veteran, edhe nëse e lëshon një njësi deri në tre muaj që ka qenë në luftë në një brigadë p.sh. Brig. 125 menjëherë e njëjta shkon si ligji i asociacionit nëse a-ja e barabartë me b, dhe b-ja me c-në , atëherë edhe a-ja është e barabartë me c-në, përnjëherë në Brig. 124 kërkohet që edhe ata deri në shtatorin e 98-ës të përfshihen si veteran, kështu q me shkallën e kritereve ne kemi lëshuar në kriter unë po flasë për zonën time kemi lëshuar deri në tre muaj që ka qenë ai është bërë veteran , ndërsa ato çfarë thuhet në mediat, ato çfarë bëhen në propagandë se ka veteran që atëherë i kanë pas 9 vjet , 10 apo 13 vjet, unë garantoj që në Zonën Operative të Pashtrikut ma të ri se 17 vjet s’munden me gjet. 17 vjeç kanë mundur me hy në luftë, lufta ka zgjatë edhe një vit që i kanë mbërri 18 vjet 99-n, kështu që nuk ka teori që mua më duken më shumë absurde, por nëse janë të tillë diku në ndonjë zonë apo në ndonjë brigadë, pse nuk i thonë me emër e mbiemër, pse në mënyrë paushalle, në mënyrë frontale sulmohet UCK-ja, gabimi coftë individual , coftë grupor duhet të adresohet. Individi që ka vë në lajthitje të tjerët duhet ti jepet emri dhe mbiemri dhe ai duhet të merret me përgjegjësi bashkë me ata qe e kanë ndihmua qëllimshëm apo pa qëllimshëm. Unë po mendoj që jemi në një situatë ku merren vendime të mëdha për Kosovën. Kosova është në prag të anëtarësimit të UNESCO , në prag të anëtarësimit në Interpol, në prag të një marrëveshje gjithëpërfshirëse dhe obliguese me Serbinë, në prag të themelimit të ushtrisë së Kosovës dhe në këtë situatë rrymat ani-Kosovë, rrymat që nuk na donë të mirat neve shtetit të Kosovës, pan sllaviste ndikojnë që këtu të ketë rrëmuja , të ketë përplasje, të bëhet ndonjë skandal të mos arrihen këto marrëveshje , pikërisht me këtë fushë unë e shoh edhe thirrjen e protestave, ndoshta edhe gjakosjen e njerëzve, thyerjen, rrëmujën, thirrjen për zgjedhje të jashtëzakonshme, shumë të fuqishme e ka thënë ish presidenti amerikan Linkoln , ku thotë “Kualët nuk ndërrohen në lum, ndërrohen pa hy në lum ose pasi të dalin nga lumi”, këta që po kërkojnë tani shkarkimin e kryeministrit apo presidentit është në një situatë shumë të keqe, jo që mund të ndryshojmë rrjedhën atyre vendimeve se çfarë do vijnë, se vendimet ndoshta janë paraparë shumë më herët, ndoshta edhe janë marrë shumë më herët që ne se dimë, por ne mund ta vonojmë procesin e Kosovës për disa vite dhe mund ta dëmtojmë akoma më keq p.sh. këto vendime që do të merren tani, këtë vit, këto dy – tre muaj të ishin marrë  kur ka qenë president Klintoni, Ollbrajti, për neve ka qenë ma favorite, nëse në këtë rast nuk bëhet do të thotë më vonë ndoshta do të jetë me shumë pengesa ndoshta edhe në disfavorin tonë. Prandaj këto nxjerrje, këto iniciativa, këto sulme mediale, këto krejt çka janë ka ndodhin kanë një prapavijë anti shtetit të Kosovës, edhe është me frikë kjo duhet të realizohen këto çka janë në plan të realizohen, pastaj të merremi me njëri tjetrin. Ne në këto rrethana mund të humbim shumë si Kosovë, duke dashur të përfitojmë pak partiakisht, grupisht, bile kemi edhe disa raste të disa prononcime të disa ish komandantëve që bëjnë pjesë në Vetëvendosje, në NISMA edhe thotë; atëherë kanë qenë 12 mijë apo 13 mijë ushtarë, me i thanë e ke mbajtur evidencën ti, ke qenë në administratë, ke qenë G1 i UCK-së, të kanë ardhur dokumentacionet ty, listat në atë kohë i ke pas, si e thua , e thotë pa fije përgjegjësie, pastaj e kanë një krenari të budallme, mendon të jetë vet gjeli se pak kemi qenë ne 10 mijë 15 mijë, na jemi kanë supremen edhe veç ne kemi guxua me e bë luftën e të tjerët janë hiqa, në këtë farë bajraktarllaku edhe në këtë farë çmendurie mohon ata të tjerët , unë e kuptoj se veteran ka me vlera shumë të mëdha, luftëtar me vlera shumë të mëdha, që padrejtësisht ju themi veteran se ata janë luftëtar të lirisë dhe luftëtarë me vlera më të vogla. por në asnjë mënyrë se pranoj ti quajmë veteran të rrejshëm apo luftëtarë të rrejshëm se faktikisht nofka i rrejshëm ti përnjëherë je ka e penalizon pa e kuptuar a është i rrejshëm apo jo. Edhe kush e din që është i rrejshëm. Nuk kam pa askund në botë që mediat ta bëjnë gjygjin, nuk kam pa askund në botë që prokurorët dalin mbajnë konferenca shtypi, lëshojnë komunikata, t ‘shkruajnë më sms, në gjithë botën e civilizuar prokurori ngritë aktakuzë, burgoset personi, mbahet në paraburgim, vërtetohet aktakuza a është e vërtetë apo nuk është e vërtetë, merret vendimi i merituar. Këtu është e çuditshme në Kosovën tonë përpara të gjykojnë gazetari , më falni se edhe ju jeni media, përpara të gjykojnë publiku e pastaj në gjykatë del i pafajshëm, është e çuditshme kjo .

Arbresh.info: Çfarë do të ndodhë me veteranët e rrejshëm?

Sadik Halitjaha: Nëse të tillë gjinden dhe sigurisht gjinden nëpër krejt zonat apo brigadat , mund të ketë edhe të kamufluar që i kanë dhënë epitetin veteran kanë gjetur dëshmitarë, por me ata duhet të merret ligji. Por ligji paraprakisht duhet të specifikohet decidio se çka është e drejtë, çka është ligjore dhe çka nuk është ligjore. Këtë rast ne e kemi pas gjatë tërë verifikimit dy ligje, kemi fillua me ligjin e parë që ka ekzistua, pas një viti ka dal ligji tjetër, kemi punua me dy ligjet të cilat nuk e precizojnë decidivisht mund të jetë veteran – luftëtarë i lirisë me dy javë , dy muaj dy vjet apo si, edhe në këtë kuptim mund të ketë veteran me më pak merita dhe me më shumë merita edhe ligji mund t’i ndaj në dy-tri kategori, dhe kishte me u zgjidh ky problem më mirë.

Arbresh.info: Çfarë do të ndodhë me ata që keqpërdoren listat?

Sadik Halitjaha: Ligji i precizon nëse ka falsifikua, nëse është i mashtrueshëm, nëse ka vë në lajthitje dhe ai që ka vë në lajthitje e ka prej kaq deri ka dënimin, ai tjetri që është vënë në lajthitje e ka prej kaq deri kaq dënimin, edhe duhet të punohet me ligj jo vetëm me media. Logjika ime ma thotë se është një sulm mediatik sikur me dashtë me i bë UCK-së një gjykim publik. Ka të bëj shumë me rrethanat e Kosovës që është para vendimmarrjeve të mëdha, që veteranët të jenë të përqarë, që veteranët të shukatën, të heshtin, veteranët të mos kenë kredibilitetin e fjalës së vet vendimeve dhe veprimeve të veta ti futim në një labirinth ku s’ka dalje, disa ngritën protestojnë kundër disa të tjerëve ata mendojnë veteran të vërtetë që quajnë vetën apo ua kanë lënë nofkën thonë po të ishim vetëm ne veteran të vërtetë me 10 apo 20 mijë do të merrnim me nga 300-400 euro pagë se fajet i kanë këta të tjerët, këta të tjerët që thonë ne kemi qenë në të njëjtën kolonë kemi mundur me u vra për një apo dy javë sa kam qenë, të isha kanë në luftë kisha ra dëshmor pse unë të mos ta kem të drejtën time, edhe përplasjet përmes grupeve të veteranëve. Ma tepër janë të frustruar nga politika, të frustruar nga anti-kombëtarizmi shqiptar nga pan sllavistët. Nuk kanë nevojë me anë të protestave t’i zgjidhin këto probleme, ligji duhet t’i zgjidhë këto.

Arbresh.info: Ka ish-ushtarë që posedojnë të gjitha dëshmitë që kanë qenë pjesë e luftës, mirëpo janë jashtë këtyre listave, si ka ndodhë kjo padrejtësi ndaj tyre dhe a pritet që të përfshihen në këto lista në të ardhmen?

Sadik Halitjaha: Unë shumë ndjej keqardhje nëse një luftëtar ka një mbetur pa status, por pikësëpari duhet filluar nga vetvetja e tij se për tri vite është punuar rresht pse nuk ka aplikuar, nëse ka aplikuar pse nuk e ka bërë ankesën, nëse e ka bërë ankesën pse nuk e ka bërë kërkesën se çfarë ka dal statusi i tij, ku është mbetë, unë e di që ka, edhe te unë vijnë në shtëpi, na kanë bërë rrëmujë edhe familjarisht, me zile me kontaktet, nuk na kanë caktuar qeveria infrastrukturë të mjaftueshme, sikur ta kishim nga një zyre secili komandant zone, dhe t’i kishin dosjet aty dhe sekretarinë do të shkonte kjo për mrekulli dhe do të kryheshin brenda tre muajve të gjitha, jo tri vjet. Sot, akoma vijnë njerztë te unë dhe bien dëshmi 3-5 deklarata, thotë t’i sjelli 30 ushtarë të cilët dëshmojnë për mua, thotë t’i sjelli 3-4 komandant, unë kam qenë komandant po pse s’ke bërë aplikacion kam mëndu që me tre muaj ditë që kam qenë unë nuk kisha përfituar asgjë, tani pasi të tjerët kanë përfituar me tre muaj e gjashtë muaj pse edhe unë mos të jem, mirëpo proceduralisht unë nuk mundem ta procesoj sepse komisioni ka përfunduar punën e vet, kujt t’ia dorëzoj unë ato dokumente, kur në pyetje e mëparshme the s dosjet janë komplet te prokuroria dhe ske ku e dërgon dosjen e tij, ky do me aplikua tani, e tani s’ka mundësi proceduralisht, unë uroj që këta përmes gjykatave ta realizojnë të drejtën e vet dhe mos dhashtë Zoti të na ngelet ndonjë luftëtar i vërtetë pa status. (edhe këtu i ndërhyj me nën pyetje; e kam fjalën për disa ish-ushtarë të cilët aplikua edhe pas ankesës është refuzua aplikacioni i tyre pra si veteran, si ka ndodhë kjo) . refuzimet kanë ndodhur në pjesën e parë të verifikimit kur është bërë verifikimi publik me 30-40 njerëz prezent zingjirit komandues edhe me ankesë personi në fjalë nuk ka sjellur shtesë p.sh. s’ka sjellur deklarata shtesë, nënshkrime shtesë, s’ka qenë bindëse ankesa, vetëm ka bërë ankesë sa për të bërë ankesë pse edhe unë nuk jam, nuk e ka bindur askënd ankesa e tij, pastaj në shqyrtimin e ankesave kanë qenë vetëm pesë, nuk kanë qenë më zingjiri komandues, pa ardhë me një komandant të vetin me njerztë që e janë statusin e njohur me dëshmitarë, me deklarata të plotësuara nuk ka mundur ta merr, ka mbetur i refuzuar, nëse mundet me gjykatë me gjetë argumente të mjaftueshme, se gjykata kërkon deklaratë, kërkon njerëz –dëshmitarë, pse mos me u bë nëse është ka qenë e vërtetë, mjafton ushtari nëse njëherë nëse ka kaluar kufirin shqiptaro-shqiptar me armë sa ka sakrifikuar jetën e vet 280 ushtarë kemi të vrarë në kufirin shqiptaro-shqiptar, sa sakrificë e madhe ka qenë, të ja njoftë këtë të drejtë , ne jemi duke u përpjekur tani shumë shpejt se kanë paralajmëruar SBASHKU grevë, arsimtarëve të viteve të 90-ta t’ju japin benificionet e tyre që kanë punuar në arsim. Të gjithë jemi dëshmitarë që kemi paguar me marka, familja ime ka paguar 60 marka në muaj për arsim është mbajtur gjallë arsimi si sistem paralel në kohën e pushtuesit dhe është vlerë e madhe për ta çmuar, po nëse i lejohet që në ligj të futen arsimtarët dhe të paguhen tani për veprimin e atëhershëm pse mos t’i lejohet një veterani! Në fund të fundit luftëtaret nuk kanë hy në luftë për pagë, unë nuk e besoj, është absurditet me e mëndu se unë kam ardhë nga Zvicra dhe jam futur në luftën e Kosovës dhe unë do ta çliroj Kosovën, do ta pres lirinë dhe do të marrë pagë nga ajo liri. Unë jam futur në Kosovë, që unë të vritem për Kosovën, gjaku im t’i shërbej çështjes së lirisë, liria t’i vijë Kosovës, me apo pa mua. Ky ka qenë edhe betimi jonë, po tani a është keq që paguhen 170 euro apo nuk është keq, është shumë mirë të paguhen se mbi 40 ish-ushtarë i kemi të vetvrarë, unë jam i bindur se rreth 10-15% janë duke marrur trajtime psikiatrike që janë në fazat kritike psiqikisht se kanë përjetuar një tmerr se lufta nuk ka qenë e lezetshme, ka qenë shumë e vëshirë, prandaj kjo që bëhet mos ta marrin se kiamet i madh është bërë që një personit i jepen 170 euro, pra çdo person që nuk ka kurrfarë të ardhura tjetër kah ka qenë apo s’ka qenë në luftë duhet të ketë të ardhura, do t’i sigurohen është minimale 170 euro, pra shteti nëse nuk ka buxhet mos të merret me fajësimin e luftës dhe të luftëtarëve, le ta ndërprenë me një urdhër e pezullon pagesën e veteranëve, nuk i ka paguar 20 vjet, kanë vdekur e janë vetëvrarë 40 e vrasin edhe 40 të tjerë për shtetin le të vepron ashtu si i ka kushtet, nuk janë fajtor luftëtarët, veteranët e luftës pse shteti jonë nuk ka buxhet, le t’i trajton sipas mundësive shteti, askush nuk ia ka vënë kusht shtetit o na trajtoni mirë o ne do të bëjmë revolta, revolucion apo do ta përmbysim.

Arbresh.info: Javën e kaluar u organizua protestë nga Shoqëritë Civile, për largimin e Kryeprokurorit Aleksandër Lumezit si dhe për largimin e veteranëve të rrejshëm, e njëjta protestë është paralajmëruar të mbahet me 29 gusht, pra të mërkurën, si i vlerësoni këto protesta? E kanë përkrahjen e juaj?

Sadik Halitjaha: Protestat gjithmonë janë të shëndetshme në një shoqëri demokratike por kur kanë qëllim të mirë, është nisë për mirë dhe shumë drejtë d.m.th. me pas dal me parulla që në Kosovë të sundoj ligji, të veproj drejtësia, menjëherë stërkeqen se ka elemente partiake që futen poshtë Aleksadër Lumezi, ta heqim, ta heqim Ramush Haradinaj, ka pas edhe kësi i kam dëgjuar edhe unë, pse një prokuror ka dhënë dorëheqje z. Blakaj, unë personalisht skam asgjë me z. Blakaj, kam pas një intervistë, sikur gjithë të tjerët që janë anëtarë të komisionit, shumë korrekt ka qenë në intervistë, por largimi i tij edhe mënyra e largimit të tij, ka lënë hapësirë për me u bë gjithë kjo rrëmujë, gjithë ky debat. Është dëgju edhe reagimi i kryeministrit në adresë të tij me disa fjalë të ashpra, unë ma shumë e konsideroj si revoltë e kryeministrit, si pabesi e largimi i prokurorit Blakaj, e ka nervozua, e ka dëshpërua sepse ia ka krijuar të gjitha mundësitë të punojë në zyrat e kryeministrisë, ta marrë arkivin në dorë të sekretarisë, t’i marr kompjuterët, t’i marrë të gjitha të dhënat, të bëjë një raport në fund thotë mbi të gjeturat, çka që është shumë normale në aspektin juridik (ata që kanë juridikun), edhe një familje nëse bastiset një raport, një kopje në fund të jetë se çka u gjet dhe çka u morë në shtëpinë tënde, “jo është bërë presion mbi drejtësinë, që të shkatërrojmë Kosovën”, kjo ide  që ta shkatërrojmë Kosovën, kjo ide që të bëjmë zgjedhje të jashtëzakonshme, kjo ide që të thyejmë, të shajmë, të bëjmë çka dojmë ne, e dërgon mbrapa Kosovën, unë mendoj se këtyre ju fryn rrymat dhe frymat pan sllaviste  të ruse-serbe, prandaj të kemi kujdes në situatën të cilën e kemi Kosovën, nuk po e dimë akoma se çka po japim dhe çka po marrim, nuk po dimë se këtu sigurisht se këtu ka me u mbajt një konferencë e tipit Dejtonit dhe ka me vendos njëherë e përgjithmonë mes Kosovës dhe Serbisë, ne duhet të punojmë sa më shumë, të jemi sa më unik, të merremi të gjithë me këtë punë që të ndikojmë te miqtë tanë që të kemi mundësitë më të mira në këtë situatë kur merren vendime të mëdha, jo ta shkatërrojmë Kosovën, në këtë situatë, me këto vendime të mëdha, ne të ngritemi me protesta, të bëjmë gjakosje apo të bëjmë kalljen e objekteve pse sepse nuk është kështu në rregullë, nuk është kështu mirë, unë mendoj se edhe Kryeprokurori Lumezi, në suaza të kompetencave të veta bashkë me këshillin prokurorial ka reagua edhe ka veprua. Nuk më pëlqen dalja përmes konferenca të shtypit, me komunikata. Ligji, prokuroria, gjykatat, duhet t’i bëjnë punët e veta, të dalin veprimet, të dalin vendimet në shesh, jo të del në shesh “u arrestua filan krimineli edhe kur del atje del i pafajshëm, mbahet në burg 3 vjet, 5 vjet, 6 vjet kur del, del i pafajshëm edhe kjo është kosto i kushton buxhetit të Kosovës, kjo nuk ka seriozitet edhe para botës, pra këta që po mendojnë që të mbajnë protestat edhe zgjidhin problemin me protesta e kanë keq edhe nuk e zgjidhin por e komplikojnë edhe ma shumë e dëmtojnë çështjen e Kosovës.

Arbresh.info: Cila është rruga që do të ndjekin veteranët të cilët do të largohen nga listat, do të protestohet apo çfarë veprime do të presim nga veteranët?

Sadik Halitjaha: Nëse ka veteranë të rrejshëm, që unë jam shumë i sigurtë që në Zonën Operative të Pashtrikut, kemi mbajtur korrektësi maksimale, por nëse ka në Kosovë veteranë prapë me keqardhje po e them të rrejshëm se iu kanë lënë epitetin të rrejshëm, luftëtarë që kanë thënë se janë luftetarë e nuk janë, ata duhet ta pranojnë gabimin e tyre dhe duhet t’ju ndërpritet sa më shpejt pagesa e tyre por kjo gjë duhet të bëhet me ligj, nuk mund ta bëj askush, se ajo cka është kanë ma e drejta dhe ma e mundshmja ka qenë zingjiri komandues, prokuroria nuk mund t’a dijë për meritat e asnjërit në luftë se çfarë merita ka, por duhet të bëhet ligji që ta precizoj; veteranët që kanë luftuar më gjatë se një vit janë kjo kategori, më pak se një vit kjo kategori, më pak se gjashtë muaj kjo kategori, më pak se tre muaj kjo kategori edhe të tjerëve nuk ju takon gjë, edhe kështu vjen deri te rregullimi real i atyre që e meritojnë, i veteranëve, pra nëse ka aty mashtrues te ata duhet ligji të veprojë mbi ta dhe mbi komandantët të cilët kanë dhënë dëshmitë e rrejshme për ta.

Arbresh.info: Si e shihni zgjidhje e gjithë këtij lëmshi?

Sadik Halitjaha: Zgjidhja më e mirë është kjo që të mos bëhet luftë publike apo gjygjë publik ndaj vlerave të UÇK-së, se është vlera më brilante e kombit tonë në këto 500 vjetët e fundit. Këtë vlerë duhet ta ruajmë, armiqtë tanë më së miri e dinë se sa shumë kemi qenë ne dhe sa luftë kemi bërë ne, se i kanë lënë kockat nëpër kaçubat e Kosovës, kanë lënë teknikën dhe teknologjinë e tyre luftarake, ata e dijnë se sa vështirë e kanë pasur me ne. Nuk mund ta dinë njerëzit që nuk kanë qenë në luftë, të flasin për luftën dhe për vlerat e luftës. Prandaj, duhet më së pari të rregullohet-precizohet ligji, duhet njerztë kompetent të luftës vërtetë të merren me cdo rast një për një, duhet të rregullohet kjo punë. Nuk është kjo punë kah e prish shumë as buxhetin as Kosovën, por është një luftë anti-luftë që kanë qenë edhe atëherë kundër edhe shumë mirë njëri këshilltar e kishte thënë qeverisë se mirë kishte me qenë me i tatimu, me iu vendos një taksë se janë mbi 500 mijë që kanë pas mundësi me qenë në luftë mbi 18 vjet edhe nuk kanë marr pjesë në luftë kështu që kish ardhë lehtë buxheti i Kosovës të merret me këtë pjesën e vogël që i paguan. Unë nuk e them ashtu por nëse nuk ka buxhet Kosova, mund ta ndërpresë pagesën, por prapë jam për atë që nëse ka mbetë ndonjë luftëtarë i merituar që të futet në listë, se në fund të fundit ne e kemi bërë luftën tani po e bëjmë historinë, edhe sa do që ne thojmë jemi kanë qyqarë e jemi kanë patriotë e jemi kanë grupe, armiqtë e dinë këtë punë më mirë, ne jemi kanë ata që jemi kanë edhe mund të ketë gabime të vogla, kroatët i kanë 13% pjesëmarrës në luftë, sllovenët i kanë tri ditë luftë iu është bërë 7%, ne me krejt këtë zhurmë, me këtë rrëmujë që thonë që janë bërë shumë, nuk jemi 3%. Unë mendoj se kjo përqindje që ka dalur është shumë reale dhe kam bindjen se kanë mbetë edhe një pakicë e vogël padrejtësisht, dhe kanë mundësi këto me u zgjidhë por duhet të zgjidhen ashtu siç na ka hije jo përmes protestave, përmes mediave, përmes akuzave të pa bazë./arbresh.info/