Mbetet në paraburgim Rexhep Selimi, Avokati do të kërkojë lirimin

12:03 | 11 Nëntor 2020
arbresh.info

Në paraqitjen e parë të Rexhep Selimit në sallën e gjyqit të Dhomave të Specializuara të Kosovës (DHSK) në Hagë, ai është deklaruar i pafajshëm.

Aty u bë e ditur se do të kërkohet lirimi i tij, meqë nuk ekziston rreziku i arratisjes.

“Klienti im ka bashkëpunuar dhe më përpara, ai u dorëzua vetë, dhe nuk ekziston rreziku i arratisjes. Zoti Selimi nuk ka asnjë lloj indikacioni që do të ndikojë tek dëshmitarët, apo asgjësojë provat”, është shprehur avokati, Robert Carls.

Aktakuza kundër Rexhep Selimit u konfirmua më 26 tetor 2020. Ai u arrestua nga Zyra e Prokurorit të Specializuar më 5 nëntor 2020 dhe u transferua në objektin e paraburgimit të Dhomave të Specializuara të Kosovës (DHSK) në Hagë në të njëjtën ditë.

Aktakuza e ngarkon Rexhep Selimin me akuza për krime lufte dhe krime kundër njerëzimit sipas të drejtës ndërkombëtare, për forma të ndryshme të përgjegjësisë penale./arbresh.info/

Mbetet në paraburgim, Avokati kërkon lirimin me kusht, Jakup Krasniqi: Duhet të jem në vendin tim

EKSKLUZIVE| Ish-Presidenti Thaçi pritet të mbrohet në liri, gjykim përmes video telekonferencës

Mbetet në paraburgim, Avokati kërkon lirimin me kusht, Jakup Krasniqi: Duhet të jem në vendin tim

Shpërndaje në rrjete sociale

Lajmet më të lexuara

Të ngjashme

Foto lajm