Shkuan në Kallm të Durrësit për videoklipin e dasmës, çiftit i ndodh e pabesueshmja

01:53 | 23 Gusht 2017
Trina Galanxhi

Teksa kanë shkuar në Kallm të Durrësit për të xhiruar disa filmime dhe shkrepur foto, dasmorët dhe nusja dhe dhëndri kanë mbetur të habitur.

Atyre i ka dalë pronari i detit dhe u ka kërkuar para për filmimet.

Ngjarja e pazakontë ka ndodhur këto ditë kur një grup dasmorësh, bashkë me çiftin, kanë shkuar për të shkrepur disa foto dhe për të realizuar një klip në breg të detit si një kujtim të ditës më të bukur të jetës së tyre. Por kanë mbetur të befasuar.

Një banor i këtij fshati nuk i ka lejuar duke pretenduar se bregu i detit ishte i tij dhe se për këtë ata duhet të paguanin një shumë të konsiderueshme të hollash. Kjo kërkesë absurde ka revoltuar dasmorët të cilët kanë debatuar me atë duke i kujtuar se deti ishte pronë e gjithë shqiptarëve.

Sipas dasmorëve, banorët në këtë vend kërkojnë nga 20 deri në 60 mijë lekë të vjetra që çiftet të mund të bëjnë videoklip në breg të detit. Argumenti i sjellë prej tyre është: deti është pronë e jona.

Shpërndaje në rrjete sociale

Lajmet më të lexuara

Të ngjashme

Foto lajm