Qindra njerëz kanë patur diarre dhe përzierje gjatë lundrimit me një prej anijeve më të mëdha në botë. Rreth 200 pasagjerë dhe persona të ekuipazhit në bordin e Ovation janë trajtuar për sëmundje gastrointestinale gjatë dy javëve që udhëtuan nga Singapori për në Hobart.
Anija, e cila transporton më shumë se 5.800 persona ka raportuar rastet e sëmundjes për dy javët e lundrimit. Mediat e huaja raportuan se shërbimi në restorantet e anijes ishte ndaluar dhe dyshohej se një person ka shkaktuar gjithçka.
Një video e publikuar në Facebook tregon korridoret e mbushura me personat që pastronin rrëmujën dhe tre ambulanca pritën anijen për ti dhënë të lënduarve ndihmën e parë.
Një pasagjer ka thënë për ABC News: “Anija ka çdo gjë nën kontroll, higjena është e klasit të parë. Është e qartë se një person ka bërë gjithë këtë.”
Ndërkohë kompania që kujdeset për shërbimin në anije ka sqaruar se po kujdesen për të pastruar gjithçka që pasagjerët e rradhës të mos përballen me një situatë të ngjashme. Nuk është bërë ende një deklaratë për të zbuluar të vërtetën, por hetimet vijojnë./ora news/
Moti sot me diell dhe vranësira
Kurti mbledh sot ministrat
Përpara duelit me Serbinë, Zvicra e fokusuar vetëm në futbol...
Marina shuan pretendimet se është ndarë me Getin
E konsumojnë edhe sportistët e njohur, dobitë shëndetësore q...
Sa shumë gjumë është shumë, pse nuk duhet të flini tepër?