Kryebashkiaku rus thotë se “lutja e tepruar” shkaktoi mungesë të reshjeve të borës

22:16 | 29 Dhjetor 2017
Trina Galanxhi

A mund të teprohet me lutje?

Kryebashkiaku i Kaliningradit mendon se po, pasi ka deklaruar se “lutjet e tepruara” kanë shkaktuar mungesë të reshjeve të borës në prag të Vitit të Ri, shkruan “RT”, transmeton portali arbresh.info

“Me sa duket ne jemi lutur shumë, por nuk është se na ka dalur shumë keq, pasi ju e dini gjendjen e rëndë të infrastrukturës sonë”, ka thënë Aleksandr Yaroshuk.

Në vitin 2016, Yaroshuk mori pjesë në një diskutim radiofonik mbi fenë, gjatë të cilit tha se “njerëzit duhet të lexojnë Dhiatën e Re dhe jo filozofë si Immanuel Kant”.

“Ju duhet të lexoni Dhiatën e Re, jo Kantin!”, tha ai. “A mund të imagjinoni më pas se sa të mençur do të bëheshin banorët e Kaliningradit?”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm