Një femër në Itali fitoi betejën për të marrë raport mjekësor për ditët që nuk shkoi në punë për t’u kujdesur për qenin e saj të sëmurë.
Italia njihet si një vend që dashuron kafshët shtëpiake, por kjo fitore konsiderohet si një arritje e madhe edhe atje. Femra në fjalë, një pedagoge nga Roma, fitoi gjyqin me ndihmën e avokatëve të Ligës italiane kundër eksperimenteve mbi kafshët, një prej grupeve më të mëdha në Europë që luftojnë për mbrojtjen e kafshëve.
Pasi punëdhënësi nuk pranoi ta paguante për dy ditë që ajo nuk u paraqit në punë për shkak të qenit të sëmurë, çështja shkoi në gjykatë.
Kjo e fundit pranoi argumentet e avokatëve të zonjës se universiteti duhet t’i konsiderojë dy ditë e mungesës si leje të paguar apo mungesë për arsye serioze familjare. Argumenti i avokatëve mbështetje në një nen të kodit penal të Italisë që thotë se ata që braktisin kafshët duke i shkaktuar atyre vuajtje burgosen deri në një vit dhe gjobiten me 10 000 euro.
Logjika e gjykatës ishte e thjeshtë, përderisa lëndimi i kafshëve është krim, kujdesi për ta s’ka si të mos jetë i mbrojtur nga ligji. Organizatat italiane për mbrojtjen e kafshëve thanë se vendimi i gjykatës ka shumë rëndësi pasi i njeh kafshët shtëpiake, jo ato për qëllime përfitimi, si anëtarë të familjes. Mediat italian ndërkohë, nuk raportojnë rritje të kërkesave për leje për shkak të kafshëve të sëmura.
“Nuk ka gjë më të vështirë sesa të jetosh si refugjat në qyt...
Kosova aderon në Konventën e Stambollit në Organizatën Botër...
Zelensky: SHBA-ja dhe Britania s’lejojnë përdorimin e raketa...
Osmani ndan tjera fotografi nga pritja në West Point: Falemi...
KFOR-i: Situata në terren është e qetë, por mbetet e brishtë
Policia Bashkiake e Tiranës certifikohet nga kompania e njoh...