Google ADS

5 vjeçarja arrin të vendos gjallesat në gjumë (Video)

08:24 | 19 Gusht 2015
Arbresh.info

Ajo është vetëm 5 vjeçe, por aftësia e saj për të hipnotizuar gjallesat ka habitur audiencën në një talent show në Kinë, ndërsa tashmë video e saj ka marrë 250 mijë klikime që prej publikimit javën e kaluar.

Brenda 5 minutave, Han Jiaying ka arritur të vërë në gjumë një pulë, një lepur, një bretkosë, një qen dhe një hardhucë, duke përdorur vetëm zërin dhe prekjen me duar.

Gjatë performancës në “Amazing Chinese”, 5-vjeçarja ka kthyer në kurriz gjallesat dhe më pas, duke i fërkuar, i ka hipnotizuar ato. Pas 5 minutash, qeni, hardhuca, bretkosa, pula dhe lepuri dukeshin sikur flinin me shpinë.

Të pranishmit në sallë mbetën të habitur nga aftësia e jashtëzakonshme e vajzës së vogël, ndërsa kafshët u zgjuan në të njëjtën kohë pas thirrjes së Han Jiaying.

https://www.youtube.com/watch?v=ow7nadUrIoo

Shpërndaje në rrjete sociale

Lajmet më të lexuara

Të ngjashme

Foto lajm