Kryeministri i Republikës së Kosovës, Albin Kurti, gjatë ditës së sotme ishte për vizitë ngushëlluese në familjen e ish të burgosurit politik, Beqir Bilalli, që u nda nga jeta me 4 qershor.
“Beqir Bilalli ishte pjesëmarrës në demonstratat e viteve 80-ta. Ai u arrestua në gusht të vitit 1998 në Prishtinë, për t’u transferuar fillimisht në burgun e Mitrovicës, e pastaj edhe në burgun e Pozharevcit. Aty, i ndjeri Beqir Bilalli dhe tash kryeministri Kurti kishin ndarë dhomën e burgut, dhe bashkë u kishin bërë ballë torturave të gardianëve të burgut të regjimit të Beogradit.”, thuhet në njoftimin e ZKM-së.
Kryeministri u shprehu familjarëve dhe miqve ngushëllimet më të sinqerta për humbjen e tyre, teksa ndau me ta kujtimet e tij me të ndjerin, Beqir Bilalli.
Pas lirimit nga burgu, Bilalli ushtroi profesionin e minatorit në Trepçë deri në pensionimin e tij në shkurt të vitit 2020.
Ai vdiq në moshën 69 vjeçare.
Në shenjë mirënjohje për vizitën e kryeministrit, familjarët i dhuruar kryeministrit një kristal nga miniera e Trepçës./Arbresh.info/
Shea: Zhgënjyese që Serbia s`po bashkëpunon për rastin e Ban...
Prishtina shënon fitoren e parë në elitën e basketbollit kos...
Scholz: E përsëris, nuk do të furnizoj Ukrainën me raketa ‘T...
Osmani flet për qëndrueshmërinë e grave në luftë dhe progres...
Dy golëshi i Zhegrovës i pamjaftueshëm për të marr fitoren L...
Porsche me motorin elektrik të Teslas