Google ADS

Ja sa vetura janë djegur në Veternik

14:40 | 9 Maj 2022
arbresh.info

Policia e Kosovës bën të ditur se nuk ka të lënduar nga zjarri në një parking të veturave në Veternik.

Bëhet fjalë për tetë vetura të djegura, zjarrin e të cilave e kanë shuar njësitet e zjarrfikësve.

“Janë njoftuar me kohë njësitet e zjarrfikëseve të cilat kanë lokalizuar zjarrin. Për momentin nuk raportohet për të lënduar por vetëm për dëme materiale në 7 apo 8 vetura”, thotë për arbresh.info zëdhënësi i Policisë së Kosovës, Baki Kelani.

Ai shton, se ngjarja ka ndodhur pak para orës 14:00 dhe se ekipet policore kanë dalë menjëherë në vendin e ngjarjes.

“Njësitet policore menjëherë kanë dalë në vendin e ngjarjes, ku kanë vërejtur se nga zjarri i cili dyshohet se ka kapluar një  veturë të parkuar, dyshohet se janë djegur/dëmtuar edhe disa vetura tjera të parkuara”, thotë Kelani.

Ai shton se lidhur me rastin janë duke u kryer hetime intensive./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm