Presidenti i Serbisë, Aleksandër Vuçiq është shprehur i bindur se shteti i tij do të jetë i pari që do të rritet ekonomikisht pas përfundimit të koronavirusit.

Vuçiq ka shtuar gjithashtu se Serbia ka qenë në pesë vendet e para që kanë shënuar rritje vitet e fundit, shkruan tanjug, transmeton arbresh.info.

Ky shtet veç ndihmës për biznese javë më parë kishte marrë vendim që të gjithë banorët e Serbisë, të moshës madhore do të përfitojnë nga 100 euro nga shteti.

Kjo do të bëhet për të përballuar më lehtë situatën e krijuar si pasojë e virusit Covid 19.

E nga kjo të përfitojnë edhe  serbët që jetojnë jashtë vendit, kishte shkruar gazeta serbe blic, transmeton arbresh.info.

Aty thuhet se shteti do t’i ndihmoj në hapjen e llogarive bankare nëse nuk kanë të tilla në Serbi.

“Qytetarët serbë që jetojnë jashtë vendit kanë të drejtë gjithashtu për ndihmë shtetërore prej 100 euro, e cila do t’u paguhet të gjithë qytetarëve të rritur pas 15 majit. Ata që nuk kanë llogari në një bankë në Serbi, nuk do të kenë detyrime shtesë në lidhje me këtë sepse shteti do të hapë të njëjtën për ta”, thuhet aty.

Ndryshe në fund të muajit mars, presidenti i Serbisë, Aleksandër Vuçiq kishte bërë të ditur ndarjen e mjeteve financiare.

“Është para e madhe në masë, kështu që është edhe 520 milionë euro. Cilido qytetar i rritur, i punësuar, i papunë, pensionist, kushdo që të jetë, është njëjtë”, kishte thënë Vuçiq.