Përdoruesit e platformës së TV digjital të IPKO-së nuk duhet të brengosen për shkarkimin e filmave më të rinj apo kualitetin e tyre, për shkak se këta filma mund t’i gjejnë në shërbimin Video on Demand që e ofron kjo platformë.

Video on Demand është bërë shtëpi e më se katër mijë filmave të rinj më të mirë, dokumentarëve, reality show, filmave për fëmijë, serialeve dhe emisioneve më të mira vendore dhe të huaja.

Për më shumë, IPKO e ofron shërbimin e saj Video on Demand pa asnjë pagesë shtesë për përdoruesit e pakove të TV digjital, ndërsa gjithë përmbajta ofrohet në cilësinë HD, e titruar në shqip dhe pa asnjë ndërprerje publicitare.

Së fundmi në VOD janë shtuar disa nga filmat më të vlerësuar hollywoodian të prodhurar këtë vit si: “London Has Fallen”, “Angry Birds 2016”, My big fat Greek Wedding 2”, “Zootopia”, “Eye in the sky” apo “10 Cloverfield Lane” mes mijëra filmave tjerë. VOD sjell edhe serialet më të famshme botërore si: “House of Cards”, “Breaking Bad”, “Homeland”, “Game of Thrones” dhe shumë titra të serialeve më të famshme për momentin.

Platforma e televizionit kabllor digjital IPKO është kombinim i kanaleve më të mira televizive vendore, perfshirë edhe kanalet e platformës Digitalb dhe Supersport; kanale informative, të filmave, lajmeve, kanalet regjionale dhe kanale të mirënjohura ndërkombëtare.