Derisa aktiviteti ekonomik në të gjashtë shtetet e Evropës Juglindore (EJL6) po shkon përpara dhe rritja në rajon pritet që të arrijë mesataren e 1,8-përqindëshit në vitin 2015, në Kosovë edhe gjatë këtij viti llogaritet se rritja ekonomike do të shkojë rreth 3%.
Këto shifra janë bërë publike nga Zyra e Bankës Botërore në Kosovë gjatë prezantimit të numrit më të ri të raportit të rregullt ekonomik për Evropën Juglindore për periudhën gjashtëmujore të këtij viti.
Në të thuhet se rritja ekonomike 1% -3% është e pamjaftueshme për zvogëlimin e papunësisë dhe të varfërisë në Kosovë. Për uljen e papunësisë dhe të varfërisë ekonomia e Kosovës duhet të ketë rritje mbi 8%, thuhet në të gjeturat e këtij raporti.
Shkak i eksodit drejt vendeve evropiane, sipas Bankës Botërore, është pikërisht varfëria. Në raport saktësohet se rritja ekonomike për 2015 pritet të jetë 3%. Përfaqësuesit e Bankës Botërore po ashtu deklaruan se nevojitet që konsolidimi fiskal të vazhdojë edhe gjatë viteve 2015 – 2017.
Sot në ora 14:43 fillon sitna e vjeshtës, IHMK njofton për p...
Të shtëna masive në Alabama, të paktën katër të vdekur dhe s...
Rikthimi i shërbimit ushtarak në Serbi, Mustafi: Rinia shqip...
Policia shqiptoi mbi 2200 gjoba brenda 24 orëve në Kosovë
26-vjetori i rënies, Osmani kujton Xhevë dhe Fehmi Lladrovci...
Hasani ne New York: Përsërita angazhimin e Shqipërisë për fu...