Thaçi: Shumë e dhimbshme të shohësh sa është dëmtuar mundi dhe djersa e bujqve tanë

16:08 | 5 Gusht 2020
Arbresh.info

Presidenti i Kosovës, Hashim Thaçi, përmes një postimi të bërë në Facebook ka shprehur shqetësimin dhe dhimbjen e tij karshi dëmeve të kulturave bujqësore, si pasojë e motit të ligë që po merr sot në vendin tonë.

Ai ka thënë se Kosova duhet të bëjë më shumë për bujqit dhe bujqësinë, shkruan Arbresh.info.

Ky është postimi i plotë:

Shumë e dhimbshme të shohësh sa është dëmtuar puna e bujqve tanë, djersa dhe mundi i tyre, dje dhe sot, pas breshrit dhe rrebesheve të shiut në vendin tonë. Nuk është aspak e lehtë të merresh me bujqësi, veçanërisht pasi rreziku nga fatkeqësitë natyrore i kanoset gjithnjë sektorit.

Një dëm sezonal, bujqve tanë shpeshherë ua bënë të pamundur mbijetesën biznesore apo edhe punimin e tokës së tyre në sezonin e ardhshëm. Prandaj, Kosova duhet të bëjë më shumë për bujqit dhe bujqësinë. Duhet të bëjë më shumë për njerëzit tanë të vyeshëm dhe për këtë sektor jetik për ekonominë tonë.

 

https://www.facebook.com/HashimThaciOfficial/posts/4130950530308608

Shpërndaje në rrjete sociale

Lajmet më të lexuara

Të ngjashme

Foto lajm