Punësimi në Britani të Madhe u rrit papritmas përpara afatit të BREXIT-ut, ndërkohë që tregu i punës po fuqizohet.
Numri i personave të punësuar u rrit me 24 mijë në periudhën gusht-tetor, duke thyer projeksionet për një rënie me 10 mijë.
Norma e punësimit shënoi një nivel rekord të lartë prej 76.2 për qind, ndërsa norma e papunësisë ra në nivelin më të ulët që prej vitit 1975, prej 3.8 për qind. Rritja e vendeve të punës u nxit nga punëtorët e vetëpunësuar dhe stafi me kohë të plotë, ndërkohë që numri i punëtorëve me kohë të pjesshme pësoi rënie.
Tregu i punës në Britani të Madhe ka qëndruar i fortë pavarësisht se ekonomia është ngadalësuar pas referendumit të 2016. Kjo vjen si pasojë e punëdhënësve, që nuk kanë siguri mbi pasojat e BREXIT-it dhe kanë punësuar personel që mund të pushohet lehtësisht, në vend që të investojnë në pajisje afat-gjatë.
Kryeministri Boris Johnson uli pak pasiguritë mbi ekonominë duke fituar një shumicë bindëse në zgjedhjet kombëtare dhe duke i dhënë fund dyshimeve mbi daljen apo jo nga Bashkimi Evropian.
Zyra britanike e Statistikave bëri të ditur se të ardhurat mesatare u rritën me një normë vjetore prej 3.2 për qind, që është më e ulëta në më shumë se një vit. /Telegrafi/
“Kam trashëguar një skuadër të mirë nga Klopp”, Arne Slot re...
Vdekja misterioze e Tupac, hetuesja: P Diddy është i përfshi...
Kryesia e Kuvendit mblidhet nesër, këto janë pikat që do të ...
Taksistit në Prishtinë ia grabitin 100 euro nën kërcënimin e...
Policia ndalon dy persona në Zubin Potok, dyshohet se hynë i...
Gazeta spanjolle shkruan për Vlorën: Eksploroni perlën e fsh...