Një produkt që kultivohet në masë të madhe në Kosovë, mjalti, sivjet ka rënie të rendimentit dhe mos mbështetje institucionale për këtë sektor bujqësor.

Kultivuesi i mjaltit, Sylejman Preniqi, nga fshati Hade i Obiliqit, i cili ka në pronësi 330 koshere, ka nxjerr fare pak mjaltë, krahasuar me tri vitet e kaluara.

“Rendimenti ka rënë në gjithë Kosovën, dhe nuk e kemi përkrahjen e shtetit. Këtë vit është një vështirësi me e madhe për kultivuesit e mjaltit. Subevncinimin nga Ministria e Bujqësisë ende nuk e kemi marrë”, thotë Preniqi.

Mungesa e mjaltit po ia vështirëson mbijetesën kësaj familje, ngase kanë të vetmin burim financiar.

Edhe Izet Graiçevci, bletar, ankohet se 90 përqind është më i ulët rendimenti i mjaltit

“50 kilogramë mjaltë ka lëshuar vitin e kaluar një koshere, kurse sivjet një koshere 1 kilogram. Ka bletë që nuk ka mundësi me i marr mjaltin, sepse rrezikohet mbijetesa”, thotë Graiçevci.

Ndërsa, këshilltari për medie i ministrit të Bujqësisë, Shkëlzen Dragaj, tha se këtë vit vetëm sektori i bletarisë për herë të parë ka pasur rritje nga subvencionimi, prej 10 euro sa ka qenë, sivjet është 15 euro.

Dragaj tha se natyrisht kjo është një ndihmesë e madhe.

Për ankesat e fermerëve për grante, Dragaj tha se granti është proces i aplikimit dhe secili që i plotëson ato kushte do të jetë përfitues./rtk/