Me votat kundër të partive opozitare, Komisioni për Buxhet, Punë dhe Transfere ka votuar rekomandimin e deputetes Jeta Statovci, që t’i dërgohet përgjigje Gjykatës Kushtetuese, në lidhje me vendimin për pagesën e rrymës nga ana e Qeverisë për qytetarët në veri.
E rekomandimin e ka mbrojtur vete deputetja e VV-së, Jeta Statovci.
“Përgjigjet trajtojnë tri aspektet e ngritura fillimisht nëse kjo çështje është dashtë të trajtohet nga ne”.
Por deputeti i PDK-së, Mërgim Lushtaku, tha se rekomandimet e Kuvendit kanë prodhuar pasojë juridike.
“Rekomandimet e Kuvendit, kanë prodhuar pasoja juridike dhe për këtë arsyeje Gjykatë Kushtetuese është drejtuar Kuvendit se a janë shterur procedurat ligjore për marrjen e këtij vendimi. Për pagesën e rrymës në veri shihet qartë se nuk është proceduar në të gjitha komisionet”.
Edhe deputetët e AAK-së Pal Lekaj e ai i LDK-së, Avdullah Hoti, thanë se kanë hyrë në punë që nuk ju takojnë.
“Ne nuk e kemi trajtuar, ne si kuvend kemi hyrë aty ku s’duhet mirëpo është gjykata kushtetuese që merr vendim”, vlerësoj Lekaj.
“Kush jemi të japim përgjigje dhe të vlerësojmë përgjigjen e KOSTT-it që i ka dhënë Gjykatës Kushtetuese”, tha Hoti./arbresh.info/
Regjistrohet rasti i pestë me ethet e Nilit Perëndimor në Ma...
KQZ: 4417 aplikime për t’u regjistruar si votues jashtë Koso...
Como arrin fitoren e parë në Serie A ndaj një kundërshtari t...
Zgjidhni problemin me zbokthin me një veprim
Shkroi koment anti-Kosovë, basketbollisti pejan nuk ia zgjat...
CEFTA, Habeck : Po përpiqemi të gjejmë një zgjidhje për Koso...