Islam Pacolli, përfaqësues i kompanisë Mabetex në takimin e sotëm mes bizneseve të Kosovës dhe atyre të Luginës së Preshevës tha se interesi i tyre ka qenë që të investojnë në Kosovë dhe të hapin vende pune për bashkëqytetarët e tyre.

Pacolli tha se shumica e prodhimeve të kompanive të tyre janë për eksport.

“Ne si Mabetex Group kemi njerëz nga të gjitha trojet shqiptare që punojnë në kompaninë tonë. Fabrika e tubave është 100 për qind eksport edhe në Serbi edhe në Greqi edhe në Mal të Zi. Konstruksioni metalik, një pjesë është edhe eksport pastaj është edhe M-Teknologjia që ka prodhimin e saj ku 90 për qind e prodhimit është eksport. Janë prodhime të larta ku ne kemi gjetur tregun për arsye se cilësi është në nivelin më të lartë”, u shpreh Pacolli.

Ai shtoi se biznesmenët kosovarë duhet ta shprehin patriotizmin duke kontribuuar në vendin e tyre.

“Ne duhet të kontribuojmë në vendin tonë dhe për njerëzit tonë. Sot për sot kompanitë e mirëfillta është pak problem stafi. Ne në përgjithësi kemi problem me njerëz që kanë zanate të ndryshme, nuk kemi mjaftueshëm por edhe pjesa inxhinierike nuk është e lartë. 8000 shqiptarë i kemi jashtë vendit duke punuar në kompaninë tonë”, ka thënë Pacolli./Arbresh.info.

https://www.facebook.com/arbresh.info/videos/1456425001089254/