Kryetari i Komunës së Ferizajt, Agim Aliu, ka bërë të ditur se sot është takuar me Ministrin e Bujqësisë, Besian Mustafa.
Aliu ka shkruar në rrjetin social Facebook se ata kanë vizituar edhe disa nga ndërmarrjet dhe fermat e bujqve dhe fermerëve të Ferizajt, njofton Klan Kosova.
“Ferizaj i zhvillimit ekonomik, nuk ka sesi parafytyron veten pa zhvillim e mbështetje në një nga degët kryesore të ekonomisë, atë të bujqësisë”.
“1.3 milionë euro është buxheti përmes së cilës u ndihmuan bujqit e fermerët ferizajas nga qeverisja lokale. E pa më të voglin dyshim, ky fond e kjo mbështetje do të rritet e bashkë me të siç kemi nisur, edhe risitë e zgjerimi i subvencionimit të kulturave të veçanta bujqësore, mbështetja me mekanizëm bujqësor e përkujdes i vazhdueshëm që bujqësia lokale të rritet e zhvillohet”.
“Bashkë me ministrin e Bujqësisë, Besian Mustafa vizituam disa nga ndërmarrjet e fermat e bujqve dhe fermerëve tanë, storie suksesi këto që prezantojnë Ferizajn e Kosovën me produktet e tyre në Evropë e më gjerë, një hise të së cilës ka edhe Komuna e Ferizajt me mbështetjen e pakursyer që ofroi. Gjithashtu, ministri Mustafa konfirmoi lajmin e mirë për fermerët e bujqit ferizajas, atë të kompensimit të dëmeve dhe pagesën dyfishe për përfituesit e subvencioneve në Ministrinë e Bujqësisë”, ka shkruar Aliu.
Pacolli shtyen presidencën që të loboj më shumë në shtetet a...
S`ka fitues në derbin e Madridit
Cikloni “John” godet Meksikën, shkon në 24 numri i viktimave
Nuk është Italia dhe as Spanja/ Ju prezantojmë me vendin e t...
Disa Lamborghini dhe vetura të tjera ‘të humbura prej kohësh...
Kuriozitete! Faktet që nuk dimë për muajin shtator