Ministri i Financave Bedri Hamza ka pritur sot në takim Ambasadorin e Britanisë së Madhe në Prishtinë Ruairi O’Connell, me të cilin kanë biseduar për bashkëpunimin ndërmjet dy vendeve, me theks të veçantë në fushën e ekonomisë dhe financave, shkruan arbresh.info.
Ministri Hamza duke falënderuar Ambasadorin O’Connell për vizitën dhe bashkëpunimin, shfrytëzoj rastin për ta falënderuar popullin dhe shtetin britanik për kontributin dhe përkrahjen e vazhdueshëm që i ka dhënë Republikës së Kosovës, e në veçanti Ministrisë së Financave në zhvillimin ekonomik dhe financiar të shtetit .
Ai më tej e njoftoi ambasadorin O’Connell për objektivat dhe aktivitetet e Ministrisë së Financave, sidomos me reformat në politikat fiskale, me qëllim të krijimit të një klime më të favorshme të të bërit biznes, si dhe krijimin e kushteve të favorshme për tërheqjen e investimeve të huaja në vend.
Ndërsa, Ambasadori i Britanisë së Madhe në Prishtinë Ruairi O’Connell, duke falënderuar Ministrin Hamza për mikpritjen, ai shprehi gatishmërinë e Britanisë së Madhe për të vazhduar përkrahjen e zhvillimit ekonomik të Kosovës./arbresh.info/
Kaosi në Kuvendin e Shqipërisë, PS-ja pritet të kërkojë përj...
Komandanti i KFOR-it dhe kreu i ushtrisë shqiptare flasin pë...
Ndërron jetë dizajneri legjendar i Mercedes
Kafshët shtëpiake ulin stresin dhe ngadalësojnë plakjen
Së shpejti në treg, çfarë do të sjellë iPhone SE 4 që do të ...
Pesë ushqimet që duhet të hani për flokë të shëndetshëm