Operatorët ekonomikë, por edhe konsumatorët në Shqipëri dhe Kosovë përmes panairit Expo South Italia do të kenë mundësi që këtë muaj të njihen me risitë e kompanive nga jugu i Italisë.
Me iniciativën e zyrës së agjencisë për promovimin dhe ndërkombëtarizimin e firmave italiane në Tiranë, mbi 20 firma italiane do të promovojnë produktet e tyre në tri qytete të ndryshme në Shqipëri nga data 4-18 Shkurt dhe në Kosovë përkatësisht në Prishtinë dhe Gjakovë në pesë qendra tregtare të ndryshme nga data 6-14 Shkurt, transmeton portali arbresh.info.
Firmat janë nga Calabria, Campagnia, Puglia dhe Sicilia dhe do të ekspozojnë produktet e tyre nga sektorët e veshjeve, aksesorëve, këpucëve dhe artikujve për shtëpi.
Ciaoberto, Grand Store, Minimax, dhe Nertili në Gjakovë janë qendrat tregtare ku do të bëhet promovimi i produkteve italiane, shkruan portali arbresh.info.
Italia është partneri kryesor tregtar i Shqipërisë ngase shkëmbimet tregtare në mes tyre zënë 37 për qind të totalit (mbi 2 miliard euro) ndërsa shkëmbimet tregtare në mes Italisë dhe Kosovës zënë 11 për qind të totalit (mbi 300 milion euro).
Njoftimi zyrtar për mbajtjen e panairit Expo South Italia në Kosovë do të bëhet nesër në ambientet e Ambasadës së Italisë në Kosovë përmes një konference për media e cila do të mbahet duke filluar nga ora 12:00./arbresh.info
Sarrazin: Kosova rrezikon izolimin për shkak të ndalimit të ...
Maliqi kërkon ndryshimin e udhëzimit administrativ që ndalon...
Kurti takoi përfaqësues të shoqatave të diasporës sonë në Ve...
Edon Zhegrova pushton sërish formacionin e javës në Ligue 1 ...
Samiti për të Ardhmen, Hasani: Shqipëria e përkushtuar ndaj ...
1,367 gjoba të shqiptuara brenda një javë në rajonin e Feriz...