I vlerësojmë lartë masat fiskale që 100% lehtësojnë çdo aktivitet prodhues e përpunues në Kosovë pa kushte. Këto tejkalojnë edhe çdo pako të quajtura 1 dhe 2.

Këto masa lehtësuese i kanë munguar Kosovës që nga pavarësia e saj, tha Agim Shahini, kryetar i Aleancës Kosovare të Bizneseve.

Ai shtoi se që nga viti 2014 një gjë e tillë ka qenë e premtuar nga partitë politike e Qeveria e Kosovës dhe i dizajnuar nga AKB-ja dhe përfaqësues tjerë të biznesit. Ka munguar guximi i qeverisë për të bërë këto reforma fiskale apo presioni i lobit të tregtarëve të fuqishëm që të barazon fuqinë konkurrues të prodhuesve vendës me ata të huaj në tregun tepër liberal në vendin tonë.

AKB-ja, përshëndet Qeverinë e Kosovës dhe ministrin e Financave, që pas dhjetë ditësh që ne i kemi paraqitë kërkesat me shkrim për reforma dhe lehtësira fiskale kanë marr vendimin e duhur. Edhe pse të vonuar, por shumë domethënës që jep përshtypje se kjo qeveri do të forcon fuqinë konkuruese të prodhuesve kosovar.

Agim Shahini, foli edhe për faljen e borxheve të disa kompanive vendëse që kishin për shfrytëzimin e ujit për prodhim dhe ambalazhim rreth 59 milionë euro. Sipas tij ky është vendim i guximshëm e me vend dhe nga kjo nuk ka humbur askush, sepse ujë nuk ka qenë prodhim i qeverisë që të ia faturon bizneseve, por është burim i natyrës dhe këto kompani e kanë shfrytëzuar për prodhim, punësim, eksport dhe parandalim i eksportit të parave të gatshme për import të ujit nga vendet e ndryshme të regjionit.

Suat Berisha, nënkryetar i AKB-së tha se Ligji për Prishtinën ka rëndësi të madhe dhe se është po ashtu një vendim shumë i rëndësishëm për kryeqytetin e Kosovës dhe për jetën e qytetarëve dhe bizneseve që jetojnë dhe punojnë këtu, por edhe për investitorët është një mundësi e re.

Ai shtoi se AKB-ja, e vlerëson ritmin dhe angazhimin e Qeverisë së Kosovës për të krijuar Kosovën nga një vend importues në një vend eksportues, pra nga një vend pesimistë për qytetarët e vendit, një vend me shpresë për ta.

Sylejman Konushefci, pronar i fabrikës së vajit ushqimore Biooil, tregoi se për shkak të politikave jo të mira fiskale e të shtrejta ishte detyruar që një pjesë të fabrikës së vajit ta barti në Bulgari.

Ai thotë se po pret të sheh politikat fiskale të reja që pritet të nisin së zbatuari nga një janari vitit 2018, të shoh dhe nëse ato janë të favorshme përsëri njërën pjesë të fabrikës do të kthej në Kosovë.

Lumnije Ajdini, menaxhere e AKB-së, tha se Ligji 04 L -163 për mallrat e liruara nga tatimi doganor nga vitit 2014 i kanë dhënë të drejt ministrit të Financave që në bazë të udhëzimit administrative të liroi të gjitha produktet për lëndë të parë për prodhim, gjysmë produkt, linja të prodhimit, pajisje teknologjike si dhe lirim nga akciza për të gjitha burimet e energjisë që përdoren si lëndë përcjellëse të prodhimit. Këto masa fiskale duhet të plotësohen në vazhdimësi varësisht nga kërkesat e bizneseve prodhuese, sepse ia lejon ligji.