Kosova po përballet me sfida të rënda ekonomike. Qeveria po kërkon një bashkëpunim më të ngushtë me të gjitha institucionet e dijes, sepse ka nevojë të gjendet zgjidhje për çështjet që preokupojnë të gjithë qytetarët e Kosovës. Çështja kryesore që kërkon zgjidhje është zhvillimi ekonomik i vendit, zgjidhja e problemit të papunësisë dhe gjetja e mundësive dhe perspektivave për punësim.
Kështu u tha sot në konferencën e dytë të mbajtur nga Instituti Riinves, me rastin e 20 vjetorit të themelimit të tij.
Zëvendësministri i Financave, Agim Krasniqi, tha se Qeveria e Kosovës dhe Ministria e Financave po përpiqet të jetë sa më e kujdesshme në ruajtjen e stabilitetit makrofiskal në vend.
Nga “Hertie School of Governance”, i pranishëm ishte profesori Mark Hallerberg, i cili me këtë rast tha se problem kryesor në Kosovë është deficiti. Kosova ka nivel të lartë të shpenzimeve dhe borxheve.
Sipas Hallerbergut, deficiti është shkaktar kryesor i ekonomisë së dobët kosovare.
Ndërsa, drejtuesja e departamentit për ekonomi dhe politika publike në Ministrinë e Financave, Semra Tyrbedari-Qitaku, tha se Ministria ku ajo vepron po bën të gjitha ato që një institucion fiskal mund të bëjë.
Në këtë konferencë po ashtu u tha se Kosova ka nevojë për njerëz adekuat dhe profesionistë, për ta nxjerrë nga kjo ekonomi në të cilët gjendet tani.
Rreth 22% deri në 24% të GDP-së së Kosovës shkojnë në investime. Për një vend me ekonomi të zhvilluar, kjo do të ishte krejtësisht normale, por për Kosovën kjo është pak. Sipas ekonomistëve, GDP-ja, duhet të ngritët deri në 30% në mënyrë që të ketë një zhvillim ekonomik më të madh për shtetin e Kosovës.
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent
Shkolla greke përjashton 10-vjeçaren shqiptare – shkak numri...
ADN-ja e ruajtur në një kristal mund të rikthejë njerëzimin ...