Jevtiq, deputetëve: Për gjashtë muaj kemi qenë në bllokadë financiare, u ndalën projektet

11:23 | 28 Tetor 2020
V. S.

Ministri për Komunitete dhe Kthim, Dalibor Jevtiq ka raportuar në Komisionin për të Drejtat dhe Interesat e Komuniteteve dhe Kthim.

Jevtiq tha se për shkak të pandemisë kanë qenë për gjashtë muaj në bllokadë financiare dhe se janë ndërprerë shumë projekte, transmeton Klan Kosova.

“Ky vit ishte specifik dhe jemi ballafaquar në COVID-19 dhe ka ndikuar në punën e ministrisë”.

“Ajo që ka ndikuar është se gjashtë muaj në bllokadë financiare dhe nuk kemi mundur të punojmë në projektet që kemi planifikuar”.

Më pas ai shtoi se as këtë vit kthimi i të zhvendosurve nuk është i kënaqshëm, duke përmendur pronat e uzurpuara.

“Presim që deri në fund të vitit një hap të madh ta bëjmë në Komunën e Shtërpcës dhe t’u mundësojmë këtyre njerëzve të kenë banim”, ka thënë Jevtiq, shkruan EO.

Shpërndaje në rrjete sociale

Lajmet më të lexuara

Të ngjashme

Foto lajm