Janë planifikuar 500 milionë euro për bujqësinë deri në vitin 2020

23:46 | 3 Qershor 2015
M. A.

Ministri i Bujqësisë, Pylltarisë dhe Zhvillimit Rural, Memli Krasniqi ka thënë se në Planin për Bujqësi dhe Zhvillim Rural 2015-2020 janë planifikuar rreth 500 milionë euro investime në bujqësi.

Ai në emisionin Kapital në RTK tha se Qeveria e Kosovës e ka në prioritet bujqësinë dhe tashmë investimet po shtohen.

“Unë besoj se deri në vitin 2020, në planifikimet që kemi bërë buxheti për bujqësinë, si nga ai nacional dhe nga fondet e IPA-s dhe fonde të tjera, do të investojmë rreth 500 milionë euro në bujqësi”, ka deklaruar ai, duke përmendur se vetëm këtë vit planifikohet të ndahen 43 milionë euro për fermerët, vetëm nga buxheti i ministrisë.

Krasniqi ka thënë se objektiv primar është rritja e prodhimtarisë sepse kjo e zëvendëson importin dhe rritë mundësitë për eksport.

Ai tha se ka shumë storie suksesi në bujqësi dhe ky sektor po ndihmon dukshëm në rritjen ekonomike dhe gjenerimin e punësimin.

Shpërndaje në rrjete sociale

Lajmet më të lexuara

Të ngjashme

Foto lajm