Pas lajmit të publikuar se ndërmarrja ‘Trepça’ do t’i shes mbeturinat e minierës, ka reaguar inxhinieri i kësaj ndërmarrje, Burim Istrefi, i cili ka thënë se prodhimi i xehes po shënon rënie të madhe.
“Puna në Minierën e Trepçës po ecën çdo ditë e më keq tash e sa kohë. Prodhimi i xehes po shënon rënie nga muaji në muaj dhe më këtë çështje askush nuk po merret, sikur se te gjithëve u shkon përshtati kjo gjendje në të cilën ndodhet Trepça”, ka shkruar Istrefi në Facebook.
Një pjesë shumë të madhe të përgjegjësisë inxhinieri Istrefi ka thënë se e ka menaxhmenti i ndërmarrjes, i cili siç dihet për më shumë se tri vite drejtohet nga Ahmet Tmava.
“Kriza institucionale ka pas efekt negativ edhe në Minierën e Trepçës, por një pjesë shumë të madhe të përgjegjësisë e kanë edhe Menaxhmenti i Minierës dhe komplet stafi udhëheqës i saj.
Si pasojë e kësaj gjendje detyrohen të shiten mbeturinat, por vështirë është të mbulohet ngecja e prodhimit me shitjen e këtyre mbetjeve. Shpresojmë për ditë më të mira për Minierën dhe Minatorët”, ka shkruar inxhinieri Burim Istrefi.
Përmbytje dhe rrëshqitje të tokës në Nepal, 66 viktima e dhj...
Aksident në Vlorë, lëndohet një person
Kurti bën homazhe të varret e vëllezërve Bytyqi: Janë dëshmi...
Ligji për Paga e parasheh pagën më të ulët 240 euro, kërkohe...
Qytetarët thonë se çmimet janë të papërballueshme, krahasuar...
Juventusi rikthehet tek fitoret dhe mposht Genoan në udhëtim