Hakerët vjedhin 49 milionë dollarë nga një bursë e kriptovalutave

12:23 | 28 Nëntor 2019
Arbresh Info

Bursa koreano-jugore UPbit konfirmoi vjedhjen e 342 mijë kriptovalutave Ethereum me vlerë prej 49 milionë dollarë.

Shefi ekzekutiv i kompanisë, Chi-hyung Song dha lajmin se një haker i panjohur ka transferuar ether nga portofoli i UPbit në portofolin e tij në orët e vona të mbrëmjes së 27 nëntorit.

Në reagim të vjedhjes, UPbit ndaloi të gjitha depozitat dhe tërheqjet për dy javë.

Kompania tha se do të mbulojë dëmet me asetet e saj.

Vjedhja e bursave të kriptovalutave është shndërruar një biznes mjaft fitimprurës për hakerët. Këta të fundit vodhën 40 milionë dollarë nga Binance, 32 milionë dollarë nga Bitpoint dhe 4.2 milionë dollarë nga Bitrue. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm