Fshati Nushpal në fokus të investimeve të infrastrukturës

12:30 | 25 Prill 2017
Arbresh.info

Në kuadër të realizimit të projekteve për përmirësimin e infrastrukturës rrugore, Komuna e Rahovecit ka filluar kubëzimin e dy rrugëve të fshatit Nushpal.

Muhamet Behra, drejtor i Drejtorisë për Shërbime Publike, tha se bazuar në buxhetin e qeverisë komunale, për fshatin Nushpal është planifikuar kubëzimi i dy rrugëve në brendësi të fshatit.

“Në këtë fshat gjatë vitit 2016, kemi intervenuar në rregullimin e një ure, e cila ka paraqitur problem për banorët sa herë ka pasur reshje të shiut. Me rregullimin e urës dhe kubëzimin e dy rrugëve në të cilat kanë filluar punimet nga sot, do t’ua lehtësojmë lëvizjen e banorëve të këtij fshati”, tha ai.

Shpërndaje në rrjete sociale

Lajmet më të lexuara

Të ngjashme

Foto lajm