Ministrja e Tregtisë dhe Industrisë, Hykmete Bajrami, ka pritur sot në takim ambasadoren e Republikës së Francës në Kosovë, Marsey Daviet.
Bajrami e informoi ambasadoren Daviet rreth punës që po bën qeveria e Kosovës në përmirësimin e mjedisit afarist dhe tërheqjen e investimeve të huaja direkte.
Ajo i shpjegoi ambasadores për rrjedhën e shumë projekteve në të cilat po punohet duke u fokusuar në veçanti rreth politikave nxitëse që po përpiqet t’i krijojë qeveria për tërheqjen e sa më shumë investimeve të huaja direkte nga kompani të mëdha ndërkombëtare.
Në anën tjetër, ambasadorja Daviet u interesua në lidhje me Ligjin për Investime Strategjike.
Ajo shprehu mbështetjen e qeverisë franceze për miratimin e këtij ligji duke theksuar se ky ligj është i rëndësishëm sepse do të reduktonte kohën dhe barrierat për kompanitë e mëdha që ato të investojnë në Kosovë.
Ndërsa sa i përket projektit të Brezovicës, diplomatja franceze tha se ky projekt është duke u shikuar me interesim të lartë nga shumë kompani franceze dhe shprehu gatishmërinë e qeverisë së Francës që të punojë së bashku me qeverinë e Kosovës në mënyrë që ky projekt i rëndësishëm për ekonominë e vendit tonë të realizohet në një të ardhme të afërt, transmeton Klan Kosova.
Regjistrohet rasti i pestë me ethet e Nilit Perëndimor në Ma...
KQZ: 4417 aplikime për t’u regjistruar si votues jashtë Koso...
Como arrin fitoren e parë në Serie A ndaj një kundërshtari t...
Zgjidhni problemin me zbokthin me një veprim
Shkroi koment anti-Kosovë, basketbollisti pejan nuk ia zgjat...
CEFTA, Habeck : Po përpiqemi të gjejmë një zgjidhje për Koso...