Dogana konfiskon pajisje dentare me vlerë mbi 15.000 euro

14:51 | 30 Maj 2017
Arbresh.info

Oficerët doganorë në Aeroportin e Prishtinës kanë parandaluar kontrabandimin e pajisjeve medicinave dentare me vlerë mbi 15 mijë euro.

Gjatë kontrolleve rutinore, dy shtetas turq janë selektuar për kontroll dhe në njërën nga valixhet është vërejtur se posedon të fshehura pajisje dentare.

Oficerët doganorë kanë gjetur edhe personin e tretë, i cili priste që të bënte transportin e këtyre pajisjeve, ndërkohë që në kontrollin e veturës janë gjetur mallra të kontrabanduara pa dokumentacion.

Me këtë rast njësitë e hetuesisë së doganës kanë lokalizuar edhe pranuesin e tyre ku edhe është bastisur një laborator dentar në Mitrovicë, ku janë gjetur mallra të kontrabanduara.

Të gjitha mallrat janë konfiskuar si dhe janë procedura për kundërvajtje doganore gjithashtu edhe ndaj personave përgjegjës janë iniciuar procedurat, thuhet në komunikatën e Doganës së Kosovës.

Shpërndaje në rrjete sociale

Lajmet më të lexuara

Të ngjashme

Foto lajm