Bujqve në Rahovec u shkon huq fara e specave (VIDEO)

21:21 | 13 Gusht 2015
M. A.

Albert Zhuniqi nga Rahoveci, i cili e kishte mbjellë arën me farë speci, nuk mori atë që pretendoi.

Ndonëse ai kishte dhënë 250 euro për kilogramin e farës, për amandë padjegëse që në gjuhën popullore njihet si sumborkë, ka marrë një lloj speci për të cilin ka thënë se nuk e ka kultivuar kurrë.

Zhuniqi i cili për vite të tëra e mban familjen nga kjo punë, ka thënë se shitësi i ka marrë në qafë pasi humbja është e madhe.

Specat të cilët Zhuniqi i mbolli, as nuk janë rritur e as nuk kanë marrë ngjyrë, prandaj ky rendiment iu dështoi.

Të njëjtin fat sikurse të Zhuniqit e patën edhe 11 bujq të tjerë të fshatit.

Ndërsa pronari që ua ka shitur këtë lloj fare, ka thënë se shkak i rendimentit të ulët mund të jenë shkaqet atmosferike, por sipas tij ky  spec është i përshtatshëm për sallatë.

Shpërndaje në rrjete sociale

Lajmet më të lexuara

Të ngjashme

Foto lajm