Union i Bizneseve Kosovare-Gjermane (UBKGJ) me seli në Keln të Gjermanisë, në bashkëpunim me Organizatën Jo-qeveritare “Gratë në Biznes” dhe Odën Ekonomike Gjermane në Kosovë (OEGJK), kanë organizuar në fshatin Krushë e Madhe ceremoninë e ndarjes së 15 granteve për biznese prodhuese të grave në Kosovë, 4 prej të cilëve i janë dhënë anëtarëve të Kooperativës Bujqësore “Krusha”.
Në këtë ceremoni mori pjesë edhe Murat Jashari, anëtarë nderi në Kryesinë e UBKGJ si dhe përfaqësues të bizneseve nga Gjermania dhe Kosova, dhe personalitete të ndryshme nga vendi.
Mysafirëve i uroi mirëseardhje kryetari i fshatit Krushë e Madhe, Selami Hoti, inkurajoj Unionin e Bizneseve Kosovaro-Gjermane me seli në Gjermani dhe investitorëve të tjerë të investojnë në Krushë pasi vendi “njihet në Kosovë dhe Evropë për produktet e saj cilësore”.
Ndërsa drejtoresha ekzekutive e “Gratë në Biznes”, Hamide Latifi, përgëzoi gratë e Krushës për punën e madhe që po bëjnë dhe dhe tha se UBKGJ nuk ka vend më të qëlluar për investime. Zonja Latifi tha se përmiresimi i kushteve të punës me investime shtesë për objektin e përpunimit dhe teknologjisë përpunuese, do të ndihmonte krushjanët të shtojnë prodhimin, që nënkupton punësimin, dhe të rrisin cilësinë e produkt eve duke qenë konkurrente në treg në vend dhe jashtë.
Murat Jashari, anëtarë nderi në Kryesinë e UBKGJ, në fjalën e tij tha se “askund nuk mund të ketë shembull më të mirë të gruas shqiptare sesa ne Krushë të Madhe, ku gratë kanë sfiduar dhimbjen dhe mentalitetin dhe rrisin fëmijët e tyre dhe rindërtojnë jetën”.
Gani Nuha, zëvendëspresidenti i UBKGJ tha se UBKGJ do të vazhdojë bashkëpunimin dhe përkrahjen për Krushën.
Fahrije Hotin, pronare e Kooperativës së grave “Krusha”, tha se gratë e Krushës janë simbol i paqes, i dijes, i vullnetit dhe i suksesit. Kjo punë na u ka imponuar dhe më shumë ka qenë punë e zorit për të rritur fëmijët tanë, por sot këtë punë e bëjmë me shumë dëshirë.
“Unë shpresoj që çdo cent të këtij granti, gratë ta shpenzojnë aty ku duhet sepse me të vërtetë është djersë e dikujt, duhet të keni respekt për njerëzit që punojnë dhe mendojnë për juve?? ?, tha Hoti.
Edhe Samir Krasniqi, President i Odës Ekonomike Gjermane në Kosovë, premtoi që Oda do të ndihmojë këto kompani të grave të sapoformuara në zhvillimin e biznesit dhe qasjen në treg.
Përfaqësuesit e UBKGJ u njohën me nevojat afatshkurta dhe planet afatmesme te kooperativës së grave “Krusha”. Gani Nuha dhe Ilir Balija, anëtarë te UBLGJ premtuan se do te ndihmojnë në sigurimin e pajisjeve. Ndërkaq për ndërtimin e një punëtorie për gratë e Krushës, këta përfaqësues do të prezantojnë nevojat, tek Unioni. Kooperativa e Krushës ka siguruar tregun, ka lëndë të parë dhe fuqi punëtore, prandaj shtimi i kapaciteteve përpunuese është i domosdoshëm. Pos tregut të Kosovës gratë e Krushës kanë filluar eksportin edhe në Zvicër dhe në Shqipëri.
Delegacioni i UBKGJ vizitoi varrezat e dëshmoreve dhe shtëpinë muze të prof.dr. Ukshin Hotit, në Krushë.
Ky është projekti i tretë i Unionit të Bizneseve Kosovare-Gjermane (UBKGJ) në përkrahje të zhvillimit të ekonomisë së Kosovës.
UBKGJ vitin e kaluar ka ndarë 34 bursa për vajza studente në Universitetet Publike të Kosovës dhe është duke zbatuar projektin për punësimin e qytetarëve të Kosovës në Gjermani
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...